Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon
By Lipan Welly
Friday May 8 2015
Sifac: Etu Ke Mwe Sang God El Ase
Mwe Read: 1 Corinth 2:11-16
Lipan Welly
In oana pacl nukewa, kulo kaksakin LEUM GOD fulatlana lasr ke moul wowo lasr kewa. Paing mwet nukewa.

Akkalemyeyuk kuh eteyuk muh Paul el simusla leta se inge nusin Church Corinth ke el fahkak Peng Wo fin acn Ephesus (1 Corinth 16:8) ke fufahsryuk aktolu lahl. El muta Ephesus ke lusen year tolu (Orekma 20:31). Motkeyuk muh mahtwen Church Corinth oasr ke year akosr ke Paul el tuh simis leta se inge. Paul el tuh oakiac Church Corinth ke fufahsryuk ak luo lal. Fusr lun Church Corinth wi pac elyah yok Paul el tuh lohng oru el tuh simis leta se inge ke ip yohk akosr. Sie ip srisrik ke ip yohk akosr inge pa: ke mwe sang lun Ngun Mutal.

Sifac se inge akkalemye ke mwe sang God El ase nusesr. Paul el akketeyac lah mwe sang se inge tuku sin Ngun Mutal mukena. El fahk lah Ngun lun God mukena pa etu ma nukewa ke God. Paul el akkalemye in 1 Corinth 12:13 lah pacl se na kut eis Jesus Christ ac lulalfongi in El, Ngun Mutal El oasr in kut. Ngun Mutal El mutawaek in aksuwosye moul lasr uh ac kut tilac muta ke moul in kapir su kut nofon oasr kac (sin nature). Ke John sapter 14:15,16 Jesus El fahk, kowos fin lungse nga, kowos ac akos ma sap luk. Nga fah siyuk sel Papa, ac el ac fah sot Ngun Mutal nu suwos, su ac fah kasrekowos ac muta yuruwos nwe tok.

Mwe sang se inge faclu nikin ku koflana in liye ku etu. Paul el sifacna fahk ke moul lal lah el sie mwet tia etu ke kalem sie inge. Ke sripen lung kulang yohk lun God nusel el ku in wi ipeis ke mwe sang se inge ac wi pac fakkelik kac. El liye, lohng ac eis pac leta sin kutu sin mwet ke Church Corinth akkalemye fohs upac fin acn we. El topuk fal nu ke PwengWo ke Christ, su tuku misa fin sakseng ac moul yak ac esla ma koluk lasr nofon su lulalfongi in El.

Ma koluk ma orek fin acn Corinth arulana upac pa nuke kosro, alu nusin god pukanten, konkin yohk, ac insefulat lun mwet we. Paul el fahk ke letter se inge lah el tuh sulela in mulkunla ma nukewa sayen Jesus Christ, ac yokna ke misa lal fin sakseng. In oana ma simla ke book se inge, sapter 13 pa pwengpweng emeet in book uh su sramsram ke lungse, su mwe sang saoklana lun God nu sin mwet lal. Paul el kalem na upac ke mwe sang se inge ac el kwafe nusin mwet Christian wial in tu ku ke lungkulang lun God.

Enenu kut in sifil akasmakinye kut ac etu lah Ngun Mutal El wi kut pacl se na kut mutawaek lulalfongi ke Jesus. Wangin ku lasr sifana kut kuh in orekmakin sang aknasnas ye kut lac met, fah tuku na yorol. God mukena pa ku in aknasnas yekutlac, ma nga kom in oru pa forlah liki moul lasr ac eisal Jesus ac lulalfongi in El. God El tu na sane kut in pacl nukewa meyen El lungse kut nofon yohk liki ma nukewa. Nimet fahsr liki me sang se inge su faclu se inge tia ku in use, Jesus El fahk “Nga pa inkanek, ac pwaye, ac moul; wangin mwet som nu yurin Papa fin tia ke Nga (John 14:6). Sifil kaksakin God lasr ke lungkulang Lal nusesr ac moul wowo lasr kewa, kampare na tia tui in pray lasr nofon.
Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.