Kunokon
By Surleigh Tara
Saturday May 9 2015
Sifac: Mwe Sang Ma Museak Church
Mwe Read:1 Corinth 14:1-5
Surleigh Tara
Mwe read se inge, luti kuht ke kahskahs in ngun (speaking in tongues). Enenu in oasr kahlem lasr ke ip lun kahskahs in ngun ac fwahkahk ke kolyuck lun God. Ma se enenu kuht in suk met uh pa lungse. Meyen efin oasr lungse, ac oayac oasr kacfeacn sin mwet lulalfongi in tafwelah fwahkack ke akwuck lun God. Fwahkack (prophesying) ke kolyuck lun God uh siena liki kahskahs in ngun (speaking in tongues).

Kahskahs in ngun uh mwe sang se nuselos suc moul in lulalfongi ac ahkos ma sap ac in wi suhnakin God. Mwe sang se inge suc kuht kahlem kac kahskahs in ngun uh, pa inge ma se suc e oraclah kuhpahsr lasr nusin God. Sikyak yohk ke pacl se ma mwet se lohacng yohk nuke prue lalos nusin God. Pa inge pacl se ma oasr kalmeyac in orekmakin kaskas in ngun nusin God meyen God mukena pa kuh in kahlem kac uh. Ke sripen pihsrpihsr iyen kaskas in ngun uh, Mwet Sap Paul el fwak lac, wo in orekmakin kas koanong 5 ma liki na in fwahklah kas 10,000. Tusruk efin oasr mwet in leng, suc ac tia kuh in siyak, na tufwa orekmaking in kaskas in ngun. Mwet efin orekmakin kaskas in ngun ye mutun mwet uh, mwena kohnkihn se mukena.

Na ip se tohkoh an pa nuhke fwahkack (prophesying) ke akwuck lun God. Fwahkack ke kolyuck lun God ma in sang kasrpweyack ac akkeye nuhsin sie sin sie. Nuh sin mwetu, wo in fwahkack liki na in kaskas in ngun. Fwahkack ke akwuck lun God ase kalem ac kolyuck nuhke moul lun sie sin sie. Mwe insewowo se in oruh moul lasr ye mutun God in suwos. God El ac fwa ikaclah kalem ke mwe fwahkack Lal nu selos suc suhnakihn El ac oacyacpac muhta ke moul suwohwos.

Mwe luti se inge utuckuh nusesr in orekmakin lac oasr pacl nuke kaskas in ngun ac oacpac nuhke fwahkack. Fwahkack uh yohk sripac like kaskas in ngun. Meyen fwahkack uh tafwelah lungse lun God nusin mwetu ac kaskas in ngun uh ma nuh inmasrlon mwet se ac God Papa.

Finsrak uh pa kuht in tia readi mukena ke mwe luti inge. Utuckuh nusesr misenge kuht moul kin oacna ke awuck luhn God nuhke muhsaheack luhn church.  Muhsaheack lun church se muhtacwacack sin sie sin sie. Pacacng enenuh uh pa, kais sie enenu in muhtacwacack moul kihn ma inge met na e tuhfwa kahlem ke aten church uh. Ma inge kuht fin moul kin, ac tufwa muhsaheack kais sin sin sie ac oacyacpac use mwe insewowo nusesr oacna ke God Papa El akiyac.

Leave a Reply

Your email address will not be published. Required fields are marked *