Kahs In Akkeye
Nga wi kowos kewa in orala kaksak, srui ac akul luk ac in sang kulo ma lulap nu sin Leum God lasr uh ke moul ac sie sin sie wowo el akinsewowoye oasr lun KahsInKol.com. Yok akilen ac srui luk in paing kom Mr. Surleigh Tara su nukweack uh se inge. Nga kulo nu sin God keim ke ikasla lun insiom tu Ngun Mutal lal in pirik kom in aikilen yok sripaciyen srike se inge. Nga lungse pac in akilen moniyuk lowos kewa, Brothers in Christ Mr. Victor Melander, LM. Driskell Jack, LM. Skipper Ittu, Mr. Welly Lipan, Mr. Robert Kilafwasru, ac oayapa Sisters Nipastu MaryLou Charley ac Margarett Charley Alik. Lungse ac insacnweang lowos kewa arulana akilenyuk. Yok insewowo luk in wi kowos orekma ac wi lutlut ke mwe lutlut na wowo kowos eis pacl lowos in luti kut kac inge. Mwe prey ac finsrak luk kowos in kwacfeang na ac lela Leum God lasr elan tafwela na in kasre kowos. Paul el fahk nu sel Timothy “A kom in okak in ma nukewa; muting mwe keok, oru orekma lun mwet fahkak Pweng Wo, ac akfalye ma kunom oan ke kom sie mwet kulansap lun God.” (2 Timothy 4:5)
Ac nu suwos nukewa members ke KahsInKol.com, nga lungse pac oraclah akul ac paing luk nu suwos. Nga wi finsrakkin mu kowos in wi kut alutluti ke mwe lutlut ma touyak ke kais sie len inge. Nga lulalfongi pac mu kut nukewa long sripa lun uh se inge, ac wi ngusre tu in oan in mwe pray lasr kewa, Leum God elan akinsewowoye kut nukewa.
Kulo ma lulap,
Rev. Takeo Likiaksa
www.new.kahsinkol.com @2015
