Kunokon

by LM Skipper Ittu

Wednesday May 6 2015
Sifac:God El Kitalik Mwe Sang Lun Ngun
Mwe Read:Hebrew 2:1-9

Paing kowos pac ke inen Leum Lasr Jesus Christ. Sifac lasr nuke Wednesday se inge fahk muh “God El Kitalik Mwe Sang Lun Ngun,” oasr in Hebrew 2: 1-9. Kuhsahn sifac se inge, (finne tia kahlwem mwet se simusla uh), srike in akkeye Jewish Christians in sruokya kuh lulalfongi lalos ke Jesus, ac elos in tia folok nuke Judaism (akfayeyan masap pa asang moul).

Tahfwean srumunyen sifac se inge pa inge: Jewish Christians inge in etu lah Jesus el fulat liki lupufan ac mwet uh; oinge, elos in muta na in ma pwaye ke Jesus ac Leum God, suc supalma. Tuh kacl Jesus, suc tuku moul oana sie mwet ac misa kaclos panang Leum God el kitalik mwe sang lun Ngun nusin nukewa suc eisal Christ tuh Elan Leum lalos ; ac Leum God el oayapa sang mwet uh, a tia lupufan, in leumi facluh. Sifac se inge kasrekut in sruokyac kuh lulalfongi lasr kacl Christ, tuh ke sripal kut ku in wi pac eis mwe sang lun Ngun!