Kunokon
WEDNESDAY: November 23, 2016
SIFAC: “El Leum God, El Kuhlacna”
MWE READ: Fwackyuk 1:4b- 8
Sifil kaksakin Leum God Fuhlactlacna ke pacl ac moul wo lasr nuhkewa; Sifen mwe luti se ke Wednesday se inge pa “El Leum God, El Kuhlacna,” oasr in Fwackyuk 1:4-8. Kuhsahl John, Mwet Sap, pa inge. El sruhmuhn ke aruruma lal fin acn Patmos in ahkkeye Mwet Luhlahlfongi ke Churches itkosr Asia (Turkey) in pacl se inge. El paing churches inge ke luhngkuhlacng ac mislac sin God, suc nuhnuh oasr meet mwe, oasr in pacl inge, ac oasr nuh tok. Kuhsen paing lal uh oacyacpac tuhkuh sin nguhn itkosr, suc kalmakihn fohnlah kuh kuhlacna luhn God Wen, suc leum fin tohkohsrah nuhkewa fin facluh. Tuh ke luhngse luhn Christ, srahl kahklah in tuhlahlah ma koluk luhn mwet nuhkewa. Ohinge, Christ el ohruh tuh mwet uh in sie tohkosrai in mwet tol tuh elos in kuhlacnsuhpuh God Pahpah. Wolacna ac kuh in oacn yurin Christ nwe tok, suc ac fah tuhkuh fin puhkuhnyen uh, ac mwet nuhkewa fah liyacl ac tuhngel. Tuh ke kuhlacna Lal, suc kuht wi ipeis kac, el kol muhtawacack lasr pwacnacng oasr finsrak lasr in muhta yohrohl ma pahtpaht ke sahflah lasr fin facl se inge.
