Wednesday September 2 2015

Sifac: Moul Kuhlacng

Sifac nuke Wednesday uh fahk muh “Moul Kuhlacng,” oasr in 2 Corinth 6:1-13. Kuhsahl Paul nusin Mwet Christian Corinth pa inge tukin el muhtwactalah nuh yorolos in sifana liye ohiyac tahfonglac ke moul in Christian lalos. Judaizers inmahsrlolos oraclah luti kikiap nuselos muh Gentile Christians inge enenu in kosrlah kuh akfalye masap fah oasr ipeis lalos ke molela (salvation) lun God. Oinge, Paul el akasmakinyelos lah salvation tuku mukena ke kulang lun God, a tia ke kutena orekma lasr. Elos in sulaklak auliyak elos in wi ipeis ke molela lun God, suc tuku ke misa lun wen nahtuhl, Jesus Christ. Elos fin sano nuke sie len tok, elos ac pahtlac. Paul el kena pac tuh moul lal sifana in tia mwe luhslah mwet liki molela se inge. Finne wangin ma nacl, kuh el pulakin supwacr ke kutu pacl, el sikalani in moul in muteng ac kulang. Paul el aksafye fahk lal in fahkak nunak pwaye lal nusin Mwet Christian Corinth inge, suc el arulana lungse oana tulik natul. Kasrekut in elang ke salvation lun God lah tia ma ke kutena ma kut oru, a kena lungse pwaye lal nusesr. Oayapa, ohiyac lasr uh in tia ma luhslah mwet uh liki molela se inge. Ac nuh sin suc ma likekelana in oru ma lungse la sifana, sa auliyak ac wi ipeis ke molela se inge misenge, tuh kuh in wangin lutu lom!