Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon

WEDNESDAY: September 14, 2016
SIFAC: “Kahs Luhn God Oan Ma Pahtpaht”
MWE READ: Isaiah 40:1-8

LM Skipper Ittu
LM Skipper Ittu

Sifil paing kowos Mwet Kosrae ac Mwet Wiacsr muhta sahyac; God Elan liye kowosyang wo! Sifac se lasr nuh ke Wednesday se inge pa “Kahs Luhn God Oan Ma Pahtpaht,” oasr in Isaiah 40:1-8; Kuhsahl Isaiah nuh sin Mwet Judah pa inge. Lah elos finne tuhnyena lain God ac ahkwot nuh ke sruhoh lalos Babylon, God El srackna ahkwoyaclos fal nuh ke luhngse kawihl Lal. God El fahk lah fal tari lusen pacl elos keok, ac koluk lalos iyucklac. Ohinge, oasr sie puhsra wowoyak tuh in ahkoeyucklac soko inkanek yen mwesis nuh sin God. Infahlfahl tohktohk ac acn sihrucprucp ac fah ahkwoyeyucklac. Ac mwet nuhkewa fah liye wolacna luhn God. Oasr pac sie puhsra ac sulkackin pwen se inge lah mwet nuhkewa oacna mah kuh rose uh. Elos kapwack kuhi, ac kitin pacl elos misac. Tuhsruhk, kahs luhn God oan ma pahtpaht. Molela lun God nuh sin Mwet Judah liki acn Babylon sel Tohkohsrah Cyrus ac fahkwack lal John Baptist nuh ke tuhkuh se meet lal Jesus ahkpwayelah kuhsah lal Isaiah inge. Kahsrekuht misenge in wi etuh ke molelah ma God El ahkolah pac nuh sesr ke tuhkuh ahkluo luhn Jesus. Mahnosr finne wacnginlac, Ngun Lal in kuht ac fah pwen kuht in wi eis moul ma pahtpaht!

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.