Kunokon
WEDNESDAY: September 13, 2017
SIFAC:”Ahkeyelah Ke Lwen Sabbath”
MWE READ: Mathew 12:9-14
Kaksakin God Fuhlwactlacna ac paing kowos Mwet Luhlahlfongi Kosrae ac sahyen Acn Kosrae. Sifac se lasr inge fahk muh, “Ahkkeyelah Ke Lwen Sabbath,” oasr in Matthew 12:9-14. Sifac se inge sikyak ke Period Ahk3 ke Moul Luhn Jesus, suc El ohruh luti Lal in Acn Galilee pacl se emeet. Kuhfwen Alukwelah ahk2 Jesus El falyang nuh kac Jerusalem pa inge. Sacnri se na tukin El fahk lah El pa Leum luhn Lwen Sabbath, El som nuh Iwen Lolngok ac ohruh luti Lal. Oasr sie mokul, ul lacpo lacyot la muhta we, wi kuhtuh Mwet Pharisee. Ohinge, Mwet Pharisee inge siyuk lah ac lain Ma Sap lal Moses in ahkkeyelah mas ke Lwen Sabbath? Jesus El tiac tohpohkuhlos, a El siyuck selos, lah fin soko sheep nahtuhlos puhtatlac nuh lun sie lohf ke Lwen Sabbath, mac elos ac tiac srakluhlwack? Ke elos koflah tohpkuhl, Jesus El fahk lah yohk sripen sie mwet liki soko sheep. Ac Ma Sap lal Moses lelah tuh elos in kahsruh mwet ke Lwen Sabbath. Ohinge, Jesus El ahkkeyelah mokul sac. Ke Mwet Pharisee inge liye, elos kasrkasrak ac pwacpa in unilyac Jesus. Mwe kahsruh se inge luti kuht in etuh lah Jesus El Leum luhn Lwen Sabbath, ac ma nuhkewa kuht ohruh ke Inel, kuh in orek ke Lwen Sacnri!
