Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon

WEDNESDAY: August 17, 2016
SIFAC:”Auliyak ac Akkwoyelah”
MWE READ: Ezra 9:5-9

Dcn Bell & Dcns Havelyn Tosie
Dcn Bell & Dcns Havelyn Tosie

Wednesday – 8/17/16 Sifwa: Auliyak ac Ahkwoyelah Ezra 9: 5- 9 Kulo kaksakin God ke ma wolana puspus a kulang Lal ma El tia tui in wi kut kac ke moul lasr, kut moul in aktucktuck fin fwal se su tia ma lasr a kulang Lal tia tui in wi kut ac aksuwosye kut kais sie. Mwe luti lasr u sikyak tukun yac pus, pa inge sie filin folok lun Jewish liki srou lalos nu Jerusalem ye kolyuk lal Ezra, su kalem mu Ezra el sie met su arulana etu ke masap lun God a el kasru met u in aksasuye moul lalos in ngun a oiyan alu lalos su sie mwe usru saok lun Mwet Israel ma tia enenu in wanginla. Pweng kalos, oana kalem ke mwe rid u, ke oiyan married lalos, elos forla liki lungse lun God, oiinge Ezra el asor kin a seya nuknuk lal a laloi orekma lun mwet lal. Akkalemye, la ke pal in kisa, Ezra el tuyak in mutangan asor a lalo lal a el srakna orekmakin nuknuk misasa lal in tuyak a pre nu sin God, su el fwak in Verse 6 kalem, El pang nu sin God ke mwekin in keyak ye mutun God, ke ma koluk ma kalem, su el akkalemye la yolyak an fin sifwalos a fulat oana kusrao. El fwak oinge la ma inge ma na wen mwet matu lalos tusruk ke Verse 8, el akkalemye la paye Leum God el pakoten nu selos, EL aksukosokyelos la liki moul in kohs lalos a elos tuku muta in an mutal se inge. Leum God el orala inkanek in kaingla lalos liki kapir a sang moul sasu nu selos. Ezra el oayapa akkalemye la, Leum God el akfisrasrye moul lalos ye poun tokosra persia, a lela tu elos in sifwil musai tempul lun Jerusalem su musalsalu. Oana ke sifwa an akkalmeye u, Auliyak a Ahkwoyela, mwe luti nu sesr ke moul lasr, Leum God el liye lupan koluk lasr, tusruk, el tia tui in karungin kut, a ase pal lasr in auliyak a ahkwoyela nukewa oana ke el oru nu sin mwet Jewish Kingdom. Mwe luti nu selos in pal soh a tia ekla nu sesr misenge…

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.