Kunokon
WEDNESDAY: July 19, 2017
SIFAC:”Kanglah Puk Lihmlihm Sac Ac Palyei”
MWE READ: Fwakyuk 10:8-11
Kaksakin God ke orekma moul ac fal Lal in ahkfasryeyuk kuht kais sie kuhlacnsuhpuh! Sifac se lasr nuh ke Wednesday inge fahk muh, “Kanglah Puk Lihmlihm Sac Ac Palyei,” oasr in Fwackyuk 10:8-11. Kihsacl Jesus nuh sel John tukin ukuk ahk6 kahslah ke aruhruhma se el liye fin Tuhka Patmos pa inge. John el liye sie lupufacn oactui inkuhsrao mwe, nuknuk lal oacna puhkuhnyen uh, ac oasr soko lelahkem fin sifacl. El sruok puk lihmlihm srisrik se ke lacpahol lacsac; la niacl oan luhn mweoa uh, ac la oan fin acn uh. Jesus El kwacfwel John elan fahsryang eislah puk sac, kanglah, na ac fah mwenlac insiacl. Tuhsruhk, ac fah emmem oacna honey uh inwacluhl. Jesus El kalmackin Kahs Luhn God, in tiac sifil tulokinyuk meyen El emmem (mwe molelah moul), finne ahkfasryeyac ac upac kuh mwen. Ohinge, John el kanglah puk lihmlihm sac ac tahfwelah pahluh lal ke Christ, meet liki ukuk ahk7 kahslah, suc ahkkahlwemye Len in Nuhnuhnkuh luhn God. Mwe kahsru se inge luti kuht in wi fasreacng in fahkwelik ke pweng wo kacl Jesus Christ meet liki fohlohk Lal.
