Kunokon
Wednesday July 13 2016
Sifac: Kahsruhp Ke Christ
Mwe Read: Rome 11:30-36
Sifil paing kowos nuhkewa ke inen Leum lasr Jesus Christ. Sifac se lasr nuh ke Wednesday se inge pa “Kahsruhp Ke Christ.” oasr in Rome 11:30-36. Kuhsahl Paul nuh sin Mwet Luhlahlfongi Rome ac rauneack facluh pa inge. El ahkkahlemye ke woiyen sie sin sie luhn Mwet Jew ac Mwet Gentile, suc ahkkahsruhpye orekma luhn Christ. Ke God El pahkotwen nuh sin Mwet Jew inge, Mwet Gentile inge puhlakin pac. In oacna oraclah luhn God ke muhtwacwacack ah, Mwet Jew uh pa God El sulaclah in eis insewowo Lal. Tuhsruhktuh ke elos tiacna ahksol, God El ahkinsewowoye Mwet Gentiles uh ke sripacl Christ. Tuh ke luhngse kawil luhn God, El esam na wuhlelah Lal nuh sel Abraham pwacnacng El srakna lungse Mwet Jew uh. Oacyacpac ke lahlmwetmet yohklacna luhn God, El karingin mwet nuhkewa Lal. Ac El orekmakuhnuhlos nuh ke sripac wo Lal. Tuh wacngin sie mwet kuh in etuh nuhnak luhn God, ac El tiac enenuh kahs in kahsruh sin kuhtwena mwet. Mwe kahsruh se inge luti kuht in epacl nuh sin God. Tuh El muhtwaciyen mwet ac ma nuhkewa. El karingin ac kol facluh ke kuh yohklacna Lal. Ohinge, mwet nuhkewa (Jews ac Gentiles) in ma sefana yohrohl. Tuh ke kuht oruh ohinge, kuht ahkkeye ac ahkkahsruhpye Pweng Wo ke Christ!
