Kunokon
Wednesday June 29 2016
Sifac: Ahlohloh Lain Luhlahlfongi
Mwe Read: 2 Corinth 4:1-6
Kaksakin Leum God ke moul ac pacl wo lasr in sifil sie sin sie ke kahs in kol Lal: Sifac se lasr nuhke Wednesday inge fahk muh, “Ahlohloh Lain Luhlahlfongi;” oasr in II Corinth 4:1-6. Kuhsahl Paul nuh sin Mwet Luhlahlfongi ke Churches Corinth ac Greece pa inge. El kena elos in tiac ahlohloh ke luhlahlfongi lalos kacl, ac yohkna ke Pweng Wo kacl Christ. Tuh ahlohloh lalos lain luhlahlfongi pwaye lalos ke Christ, suc oacna sie kahlwem wolacna in tohlwack lohsr uh ac inselos. Tuhk ke pahkotwen luhn God, suc kahlwem kacl Christ, elos kwacfweyuck in wi fahkwelik ke Pweng Wo (Wosasuc) se inge. Tuh pa inge kalmen fahk luhn Leum God ke el oraclah facluh ac ac fahk, “Lelah kahlwem in tohlwack in lohsr uh.” Sifac se inge lutikuht in tiac ahlohloh ke luhlahlfongi lasr kacl Christ. Tuh luhlahlfongi pwaye lasr kahlwem ke orekma oaru ac insacneacng lasr. Ke kuht oruh ohinge, kuht wi fahkwelik ke Pweng Wo se inge, suc ma kunen mwet luhlahlfongi nuhkewa. Tuh talent Lal, suc El acse nuh sesr kais sie, kuht in orekmakin in fahkack kacl Christ. Kuht fin tiac oruh ohinge, Elac fah eislah talent inge likikuht!
