Kunokon
Wednesday – June 21, 2017
Sifac: Wuhlwelah In Sriyucklac Nuh Sin Leum God
Mwe Read: Oekyuk 6:1-8, 13-17
Sifil paing Mwet Luhlahlfongi nuhkewa Kosrae ac sahyen acn Kosrae; Kaksakin God tuh pwacye El wo! Sifac se lasr nuh ke Wednesday inge fahk muh “Wuhlelah In Sriyuklac Nuh Sin Leum God,” oasr in Oekyuk 6:1-8, ac 13-17. Kihsacl Moses ke sie Mwet Nazirite pa inge. Ke wuhlelah inmasrlol ac Leum God, el srikyuklac ac kisackuhnuhllwacn sifacna nuh Sel. Ohinge, elan tiac nihm mwe sruhi, tiac kallah aunsifacl ac ahluht lal ah, ac tiac apkuhran nuh ke sie mahno misac. Tukin saflah lusen wuhlelah lal, oasr kainin kisac el enenuh in oruh, muhtacwacack ke kisackin kosro wo mahno nuh ke kisackin bread tiac puhlohl. Kisac inge kewa ma in ahkasmakinyacl ke karinginyuk wo ac oaru luhn Leum God nuh sin mwet mahtuh lalos ac nuh sin Mwet Nazirite inge! Ke wuhlelah lasr in luhlahlfongi Christ ac tiac sifil moulkin moul mahtuh lasr, kuht oacyacpac srikyuklac in kuhlwacnsuhpuh Leum God. Ohinge, kuht in muhtana ke luhlahlfongi lasr ke Leum Jesus Christ, suc inkanek soko fana lasr nuh yurin Pahpah ac moul ma pahtpaht.
