Kunokon

Wednesday June 15 2016
Sifac: Ahkos God
Mwe Read: Hebrew 11:7-12

God el kaskas nu sin mwet matu lasr meet sin mwet palu in pal meet. Misenge God el sramsram nu sesr sin Wen sefanna natul.

Mwe lutlut lasr u fwakak nu sesr ke lalalfongi a akosten. kut etu tari la kalmen lalalfongi pa kut etu suwos ke ma su kut nukewa finsrak nuka ac oasr mwe akpayeye lasr ke ma su kut tia ku in liye. Ke sripen lalalfongi lun mwet matu lasr meet ah, God el insewowo kalos. Lalalfongi pa oru kut in etu la asr kusrao a fwalu…Book in Hebrew fwakak kalem ke ikasla lun Book se inge la “Christ pa fwakak na paye luman God”. (Hebrew 11:4 – 6) sramsramkin yuk orala wowo lal Abel (God el in sewowo ke kisa lal) a Enock (el moul na sowak nu inkusrao) kut in eis in mwe akkeye kut ke lalalfongi lasr kais sie.

Ke mwe rid u (Heb 11:7-12) luti kut ke oiya lal Noah, ke el etu la upa inkanek lal in musai soko Ak, akostwen lal Noah panang kut long la el a sou lal mukena pain moulla, oayapa in oiya se pa na inge God el panglol Abraham – lalalfongi yok lal panang, el ne tia etu la mea oan meeto, a ke pang lun God nu sel, el tuyak liki fwal sel a som oana sapkinyuk nu sel nuke sie fwal ma God el na wuleang tari nu sel. lalalfongi a akostwen lal Abraham, panang God el sang sie tulik natul ke pal in matooh lal. Panang ke verse 12, akkalemye la el finne apkuran in misa, fwihl puspus a fwa tuku kacl me, a lumeyuk nuke itu inkusrao pisen puhk su tia ku in oekyukla. Pulan pal u fwal nuke mwe rid u misenge, fwasr in wanginla mwet matu lasr, kut mwet fusr misenge, kut eis etaak sasu lasr mulkunla in esamak la mwet matu lasr somla pa oaki kut nuke oiya wowo lun God, lela tu mwe lutlut u in kafwekut in tia sisla oiya ma kut pahlah kac sin mwet matu lasr in kafwekut nuke moul a finsrak paye, tu God el fwa akinsewowo ye kut kais sie a kut in akyokye in kut lalalfongi lasr tu El mutawaak a safla, tu ma sumusla u fwak, “wo in akos liki na in kisa”