Kunokon
Wednesday May 25 2016
Sifac: Fahkack Luhlahlfongi
Mwe Read: Psalm 19:1-4, 14
Kaksakin God ke kuhlwacng ac oaru Lal nuh sesr, yohk Mwet Luhlahfongi Lal Kosrae ac sahyen acn Kosrae; Pwaye, God El Wo! Sifac se lasr nuh ke Wednesday inge pa “Fahwack Luhlahlfongi,” oasr in Psalm 19:1-4, 14. Soko psalm in pruhe ac kaksak lal Tohkohsrah David pa inge. David el fahkwack luhlahlfongi kuh lal ke God, yohk ke wolacna ac usrnguck Lal ke El oraclah facluh, yen engyeng uh, ac puhlacn pacl uh. Lah len uh fahkwack wolacna Lal, ac fong uh ahkkahlwemye lahlmwetmet Lal. Ac ma inge sikyak ke Kahs muhkwena, a tiac ke orekma. Ohinge, David el kaksakin God, suc oacna sie eot kuh ac Mwet Lango. Ac Elan lelah tuh fahkwack ac nuhnak lal in wo ye muhtahl! Mwe kahsruh se inge luti kuht in wi fahkwack luhlahlfongi pwacye lasr ke Leum God. Tuh pwacye wacngin sie mwet, kuh kuhtwena ohiyac, kuh in kihsrucngyac kuh, lahlmwetmet, ac wolacna luh Leum God. Tuh luhlahlfongi pwacye lasr kacl kahlwem ke orekma oaru ac insacneang lasr kais sie. Ohinge, kuht finne misac, ke luhlahlfongi pwacye lasr kacl, Leum God Elac sifil tuhkaskuhtyak ke kuh ac usrnguck Lal tuh kuht in tiac sifil puhlac misac, a insewowo yohrohl ma pahtpaht!
