Kunokon
Wednesday April 12 2017
Sifac: Wacngihn Sri Leum God El Koteyac
Mwe Read: Psalm 34: 15-20
Kusahn Psalm soko inge ma lal David, sikyak ke pal se el oru mu el wella ye mutal Abimelech, panang, in supeyukla el. Oiya se David el oru inge, sie oiya in akmisye in tia asr tukulkul, kalem mu el oru ke oiya kalem lun God. mwe rid se inge srike in kasre kut ke pal ma kut fosak, fosrnga a pal ma upa sik nu sesr kais sie. fwakak arulana kalem la, Leum God El nget nu sesr su ma esam in sokol, a El porongo pusren tung lasr a El laenulos su oru ma koluk. El kasre kut ke pal oinge u. kut motko mu kut ku in kaing kunla ma upa nu sesr, kut fin tia akfulatye El. God wulela mu El a fototo nu yorosr ke Po Kulana Lal in kasrekut. Pal pus El sulela Elan kolkut la liki mwe ongaiya. kut in tia loesla liki God a kut in asang nukewa ma upa nu Sel, tu El Met Lango Sefanna lasr. In verse 20, kalem ke sifwa lasr an, akkalemye la Leum God El arulana karunginkut, a tia sokofanna sri el koteya. John 19:32-37 akkalemye ke oiya matu lun mwet Rom in pal soh, ke elos oru nununku lalos u, elos a koteya sri in nien mwet u in mu aksaya misa lun sie mwet. John 19:32-37) fwakak kalem ke pal se elos nununku Leum nuke elos unilya. Kas wolana su arulana fal in kafwekut nuke lalalfongi ma asr yorosr, wangin ma upa yurin God, El enenu inse nasnas a paye.
