Kunokon
WEDNESDAY: December 07, 2016
SIFAC: “Wuhlelah Luhn God Yorol Abraham”
MWE READ:Gensis 17:1- 8
Kakasakin LEUM GOD lasr ke wuhlwelah Lal nu sel Abraham, su kut wih witness kac misenge! Kut fihn tia wih witness kac, ac wangin lulalfongi lasr in wih pahikla nuke akfulatyeyen Christmas; in akfulat ye pweng mwo ke isusla lun sie King sasu. In oana ke fus se meet ke (Psalm 111), “Ke insiuk nufon nga fah sang kulo nu sin LEUM GOD In walil lun mwet lal.”
Walil lun mwet lun LEUM GOD pa Mwet Lulalfongi ma tia fuhleak tukeni la nu ke pacl in alu in kaksakin LEUM GOD lasr (Hebrew 10:25). Ac Papa tumun lulalfongi pa Abraham se ma akkalemyeyuk in (Genesis 12 nuke 23) ma LEUM GOD el ahsang wuhlelah itkosr (7) nu se in sang kol moul in lulalfongi lal. In oana ke akkalemyeyuk in (Hebrew 11:8), “Lulalfongi lal Abraham pa oru el akos ke God el tuh pangnol elan som nu in sie facl su God El tuh wuleang mu El ac sang nu sel.” Na ma Simusla akkalemye in (Hebrew 11:12), la Abraham el finne apkuranna in misa, tulik puspis ac fwil puspis tuku kacl me, oana pisen itu inkusrao, ac pisen puk su tia ku in oekyukla weacn uh.” Wuhlwelah itokosr (7) lun LEUM GOD nu sel Abraham pa simla inge:
1. Wuhlwelah (1) se meet an pa akkalemyeyuk in (Genesis 12:2-3), su fahk ouinge: “Nga ac fah sot fwilin tulik puspis nutum, ac elos ac fah mau sie mutunfacl lulap. Nga ac akinsewowoye kom ac oru inem in pwengpeng. Ouinge kom ac fah sie mwe insewowo. Nga fah akinsewowoyalos su akinsewowoye kom, Tusruk nga ac selngawelos su sengawi kom. Ac nga fah akinsewowoye mutanfahl nukewa keim.”
2. Wuhlwelah se ak luo (2) akkalemyeyuk in (Genesis 12:7), “LEUM GOD El sikyang nu sel Abram ac fahk nu sel, “Pa inge facl se ma nga ac sang nu sin fwilin tulik nutum.” Na Abram el etoak loang se nu sin LEUM GOD, su tuh sikyang nu sel we.”
3. Wuhlwelah ak tolu (3) pa simla in (Genesis 13:16), su fahk ouinge, “Nga ac fah sot tulik na pukanten nutum, su wangin mwet ac fah ku in oakla. Ac fah fisrasr in oaoala puk fin faclu liki tulik nutum!”
4. Nuke wuhlwelah ak akosr (4) lun LEUM GOD nu sel Abraham, fahk la “LEUM GOD, su pwenkomme liki an Ur in facl Babylonia, in asot nu sum an se inge tuh in ma lom”(Genesis 15:7).
5. Na wuhlwela ak limekosr (5) pa mwe lutlut nu misenge uh akkalemye in (Genesis 17:1-8). In pacl se inge matwel Abraham oasr ke yeac ak eungoul-yu (99) ke pacl se ma LEUM GOD El sikyang nu sel inge. Ke LEUM GOD El sikyang nu sel, El fahk ouinge: “Nga oru wuleang se inge inmasrlok ac kom: Nga wuleot mu kom ac fah papa tumun mutunfal puspis. Ac fah tia sifil pangpang kom Abram, a Abraham, mweyen nga ac oru kom in papa tuman mutunfacl puspis” (Genesis 17:4-5).
6. Wuhlwelah ak onkosr (6) akkalemyeyuk in (Genesis 18:10), su fahk ouinge, “Na sie selos fahk, Malem eu (9) tukun misenge nga ac foloko, na ac fah oasr wen se natul Sarah, mutan kiom.” Ke sripen matwel Abraham ac Serah pwenang elos suk la ac sik fuhkac ma akkalemyeyuk nu selos inge.
7. LEUM GOD el fahk, “nga wuleot nu sum lah nga ac fah akpusye fita nutum in pukanten oana itu inkusrao ku puk wekof uh. Fwilin tulik nutum ac fah kutangla mwet lokoalok lalos” (Genesis 22:17). Pa ingan wuhlwela itkosr (7) sin LEUM GOD nu sel Abraham.
Kut kulo ma lulap nu sin LEUM GOD Fulat lasr, Papa Tumasr in kusrao ke sripen ahkkweyeyucklac luhn wuhlweah sac; su tu akwuhki sin LEUM GOD lasr nu sel Abraham. Matwel Abraham nwe oasr ke matwa matu oana ke akkalemyeyuk in (Genesis 17:1-8), tusruktu fwilin tulik natul, muhtehwehak kacl Isaac, Jacob, Judah ac tulik wial, Perez, Hezron, Ram, Amminadab, Nahshon, Salmon, Boaz, Obed, Jesse ac Tokosra David (Matthew 1:2-6). “Ouinge fil nukewa kacl Abraham me new kacl David oasr fil singoul akosr, ac tukun sruoh in Babylon me nwe ke isusla lun Messiah oasr pac fil singoul akosr”(Matthew 1:17). Kaclmeh, pah ahkkweyeyuclac wuhlwelac sac oana ke ma LEUM GOD EL wuhlwelah kac nu sel Abraham ke 2,000 yeac somla. Lela nu sesr nukewa in engan ke isusla lun sie King sasu. Ac ma nu sesr in wih Mwet lulalfongi nukewa in engan in wih kaksakunul ke On in kaksak lasr. Happy Holidays Everyone!
