Kunokon

Wednesday December 14 2016
Sifac: Sollac Ke Susfa In Kuhlwacnsap
Mwe Read: Orekma 1:21-26

LM Skipper Ittu

Kaksakin Leum God keimwos–Mwet Luhlahlfongi wiacsr Kosrae ac sahyen acn Kosrae; Sifac se lasr nuh ke Wednesday inge fahk muh “Sollac Ke Susfa In Kuhlwacnsap,” oasr in Orekma 1:21-26. Mwe kahsruh se inge sruhmuhn ke sollac lal Matthias elan aholuhl Judas Iscariot, suc sifacna eislac moul lal tukin el tuhkahkuhnuhlwack Jesus. Ohinge, Mwet Sap 11 ah, wi Mwet Luhlahlfongi puhs sahyac toeni nuh Jerusalem in oraclah sol se inge. Oasr ke 120 nohfohn ke U se inge. Peter el tuyak inmasrlolos in fahk lah Ma Simuhlah ahkpwacyelah Judas elac tuhkahkuhnwaclack Christ ac misac. Ac sie mwet ac aholuhl Judas in eis orekma lal. Ohinge, elos sulacllah Barsabbas ac Matthias. Tukin elos pruhe kaclos, Nguhn Muhtahl sang nuh selos Matthias tuh elan weacng Mwet Sap 11 ah. Mwe kahsruh se inge luti in sang nuh sin God ke pruhe sulaclah lasr nuhkewa, tuh orekma uh ma lal in sulaclah mwet fal in kuhlwacnsuhpwacl!

Leave a Reply

Your email address will not be published. Required fields are marked *