Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon
By LM Skipper Ittu

Wednesday January 20 2016
Sifac: Mwe Kite Ke Liyacten
Mwe Read: John 9:1-11

LM Skipper Ittu

Sifwil
paing kowos mwet tumasr, wiasr, ac natusr, yokliki nukewa, mwet
lulalfongi wiasr Kosrae ac sayen acn Kosrae. Sifac se lasr nuke
Wednesday se inge fahk muh “Mwe Kite Ke Liyacten,” oasr in John 9:1-11.
Mwe luti se inge sikyak ke Period Akohnkosr
lun Jesus, suc pangpang Period In Luti Judea. Jesus El som Galilee lac
nuh Jerusalem nuke Kufwen Lohm Nuknuk. Fahk lah Jesus ac Mwet Tuma
Lutlut Lal sun sie mokul sukasrup ac kun e kena el isuslac ah. Ohinge,
Mwet Tuma Lutlut siyuk lah mac ma ke koluk lun papa ac nina kuh koluk
lun mokul se inge sifana pa oru el kun uh, in oana lulalfongi lalos muh
mas lun mwet uh ma tuku ke koluk lalos? Jesus El topuk lah tia ma ke
kutena koluk luhn mwet, a God El kena akkalemye kuh Lal in mokul se
inge. Jesus el tahfwelah in kafwe Mwet Tumal Lutlut in kafweang in oru
ma lungse lun God ke srakna len. Tuh fong ac sa tuku ke wangin mwet kuh
in orekma. Jesus El kalmackin len kuh kalem nuh sel sifana, lah ke El
oasr yorolos, elos kuh in orekma wo. Tusruk, tok, El ac sruhoh ac
anwuki, suc oapana fong uh nuh selos. Tukin Jesus El fahk ma inge, el
acnilac nuh infohk uh, arukak, ac sang mosrwelah mutun mokul sac. Toko,
El sap elan som ac tacnlah mutal ke Luhluh Siloam. Mokul sac oru oana
ac eis liyaten lal. Ke mwet uh liye, elos siyuk lah tia pa inge mwet se
ma muta ngusr ah. Mokul sac sifana fahk lah el pa inge, tuh el eis
liyacten lal sin Jesus. Mwe luti se inge kafwekut in wi eis liyacten
(etu kuh kalem) lasr sin Jesus, suc ekin mwe kite Lal, nuh selos na suc
eisal.

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.