Kunokon
Wednesday November 30 2016
Sifac: Nga Siyuck Sel Ke Leum God
Mwe Read: 1 Samuel 1 15-20
Kaksakin God tuh El wo, ac luhngkuclacng Lal oan ma pahtphat! Paing kowos Mwet Luhlahlfongi Kosrae ac sahyen acn Kosrae, ac Advanced Happy & Safe Holiday Season nuh suwos kewa! Sifac se lasr ke Wednesday se inge fahk muh “Nga Siyuck Sel Ke Leum God,” oasr in I Samuel 1:15-20. Sifac se inge sruhmuhn kacl Hannah, suc ke sripen insacnweacng in pruhe lal, Leum God El sang wen se nahtuhl, finne el sie muhtacn tahlahp. Ohinge, Hannah el sang inel Samuel meyen el tuh siyuck sin Leum God kacl Samuel. Ke Hannah el ohruh pruhe lal in lohm sin God Shiloh, Eli, Mwet Tol, el akilen lah ngoasrol Hannah mukwikwi, a wacngin puhsracl. Eli el nuhnkuh muh Hannah el sruhi. Hanna el fahk lah el tiac sruhi, a ma ke sripen nuhnak keok luhn insiacl in oasr sie wen nahtuhl. Eli el sap elan som in mislac tuh Leum God El ac fah sang mwe siyuck lal. Ohinge, Hannah el pihtuctucyak ac oswellah Samuel. Kahsrekuht in arulacna inse pwacye ac muhtweng ke mwe siyuck lasr nuh sin God. Tuh ke pacl fal, Leum God El ac fah topuk mwe siyuck lasr.
