Kunokon
WEDNESDAY: October 26, 2016
SIFAC: “Ke Kinet Kacl Kuht Unwekyuklac”
MWE READ Isaiah 53:1-6
Sifil paing Mwet Luhlahlfongi wiasr kewana Kosrae ac sahyen acn Kosrae. Sifac se lasr nuhke Wednesday se inge pa “Ke Kinet Kacl Kuht Unweyuckla,” oasr in Isaiah 53:1-6. Kihsen pahluh lal Isaiah ke Christ pa inge. Christ Elac oacna sie mwet kuhlacnsap luhn God, suc kapwack oana soko sahk fuhsr ma yoki ac okahlah in acn paho uh. Elac tiacna mahngol, tiac, kahto, ac tiac wo in liye. Oacyacpac, mwet uh ac sruhngacl, pihlesracl, ac tiacna lohacng nuh sel. Tuhsruhk, Elac muhtwacnglah keok ac waiok, suc fal in orek nuh sin mwet uh. Elac oacyacpac sringsring ac kantweyucki ke sripen ma koluk luhn mwet uh. Tuh kuht kwelac ke sripen keok ac waiok Lal kacsr. Ohinge, kuht oacna sheep tuhlac, suc fahsr ke inkanek la sifacna. Kahsre kuht in oarulacna pwacye nuh sin Christ, tuh ke Inel muhkena kuht fah wi ipeis ke moul ma pahtpaht.
