Kunokon
Wednesday April 26, 2017
Sifac: Mwet Shepherd Sac Nuhnkuh Kaclos Suc Tuhlac
Mwe Read: Mathew 18:1-5, 10-14
Leum God Fuhlwactlacna Em in kaksakinyuk ac asroekinyuk ke lusen moul lasr. Sifac se lasr nuh ke Wednesday se inge fahk muh “Mwet Shepherd Sac Nuhnkuh Kaclos Suc Tuhlac,” oasr in Matthew 18:1-5,10-14. Mwet Tuhma Lutlut weluhl Jesus oasr Caesarea, Phillipi, in pacl se inge. Ohinge, elos tuhkuh nuh yurin Jesus ac siyuk lah suc fuhlwact oemeet selos in Tohkohsrai luhn Inkuhsrao. Elos siyuk ke sripen sulaclah luhn Jesus in usacl na Peter, James ac John in weluhl nuh ke Fineohl Hermon ke kuhtuh len meet ah. Jesus El tiac tohpuhkohlos, a El use sie tuhlihk srisrik. Ac El fahk lah elos enenuh in moul oacna tuhlihk srisrik sac fah elos kuh in wi nuh ke Tohkohrai luhn God. Jesus El ahkyohkye fahk Lal ke moul puhsisacl ac wo luhn tuhlihk srisrik uh ke puhpuhlyuk se ke sie Mwet Shepherd. Ke soko sin sheep 100 nahtuhl inge tuhlac, El nuhnkacl ac arulacna puhsisaclacna in sokol nuh ke El konaclack. Mwe kahsruh se inge luti kuht in moul in puhsisacl pacl e nuhkewa. Tuh el na suc puhsisacl pa fuhlwact yurin Leum God. Oacyacpac, wacngin sie wal ac fah sang molelah nuh sin sie mwet, a luhlahlfong kuh lal, suc kahlwem ke orekma lal muhkena!
