Kunokon
By LM Driskell Jack


Tuesday, May 5, 2015
Sifac: “Mwe Sang ac Pang Lun God Tia Ekyek
Mwe Read: Rome 11:25-32
LM Driskell Jack

 
Ngan pain kowos nukewa, tulik nutin GOD Papa ma wi kut in epeis ke Kahs mutal lun GOD Papa ke len misenge uh.
 

Mwe luti se nu sesr misenge inge, “MWE SANG AC PANG LUN GOD TIA EKYEK”, ahkuhtehyuki sel Mwet Sap Paul. Paul el akkalemye in leta se inge, su ma nu selos ma oasr in an Rome, in liye ma koluk puspus ma elos puhtatyang nu kac. Sie ouiyac ma kut, Mwet uh puhtatatyang nuka pa akkalemyeyuk in (Rome 3: 23), su fahk muh, “mwet nukewa orekma koluk, ac elos nukewa tia sun lupan Wolana se ma God El akoo nu selos.”
 
El akkalemye la nwe sik ouinge; tusruktu, yok lungse ac pakoten lun GOD Papa nu sin tulik nukewa natul. Lungse ac pakoten lun GOD Papa Tumasr pa kalem ke Jesus Christ, Wen soak se fahnna natul. “Ke el kaskas, sie pukunyeng na saromrom sonolosi, ac sie pusra in pukunyeng uh me fahk, “El inge Wen kulo soak nutik, su nga insewowo kac. Kowos lohngol!(Matthew 17:5). Gospel lal Matthew su kut readi kac inge akpaye ehla pac ma Mwet Pahlu Isaiah el akkalemye ke sapta 59, fus 20, “LEUM GOD el fahk nu sin mwet lal, “Nga ac fah tuku nu Jerusalem inloangekowos ac moli kowos nukewa su forla liki ma koluk lowos.”
 
Ke Jesus el fahk ouinge, El tia sraclik la Mwet uh la Jews ku ma Pegan. Pa akkalemyeyuk inge, “Ouinge mwet lula nukewa fah tuku nu yuruk, Ac mwet pegan nukewa su nga pangnolos tuh elos in mwet luk”(Orekma 15:17). Ouyapac akkalemyeyuk la, “Tuh Pweng Wo ac fah lutiyuk meet nu sin mutunfacl nukewa, na faclu fah safla”(Mark 13:10). Pa inge lupan lungse lun GOD Papa nu sesr nukewa; El ke tu in oasr pacl lasr nukewa in lohtehla ke Kahs mutal ac kawil lal in BIBLE natusr uh, in ahkuclen lupan lungse ac pakoten lal, meet liki El ac fahk sifwil fohlok in eis Mwet lal. Pah akkalemyeyuk in ma Simusla uh, “Nu selos su ac eis ma God El wulela kac, God El kena tuh in arulana kalem selos lah El ac tiana ekulla nunak lal uh; ouinge el sang fulahk lal in weang wulela sac”(Hebrew 6:17).
 
Mwe lutlut se inge akkalemye nu sesr nukewa ke lupan lungse ac pakoten lun GOD Papa su ahse mwe sang saok se nu sesr ke Wen saok sefanna natul in tuku misa in moli kut la. El tia sraclik la Mwet Jews ku Pegan. El ouyacpa wohlela ke ngun mutal in muta in kais sie tu in ma in akmwoye Mwet nukewa. Ngun se inge in fahkak ke lalmwetmet, etauk, lulalfongi, ac in akkeyala mwet mas. Ac lela tu ngun mutal in oan in kais sie sesr in akkalemye la kut ma lun Christ in akkalemye lupan lulalfongi lasr ke orekma in sie sin sie lasr. Ma inge ac kalem ke fuhkuhn orekma lasr ke lungse, engan, misla, mongfisrasr, kulang, orekma wo, oaru, pusisel, sifacna leum fac. Lela kut in esam la kut ne ekin mwet koluk ke sripen ma Adam el sehahkosten kac; tusruktu kut ehkin mwet suwoswos ye mutun GOD Papa ke sripen suwoswos ac ahkosten lun Jesus Christ Wen nutin GOD. In oana ke Jesus Christ, Wen nutin GOD akkalemye fihn sakseng, “It is Finished!”

Leave a Reply

Your email address will not be published.