Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon

Tuesday September 6 2016
Sifac: Ahkweyelah Tiac Kuh In Tuhpanyuck
Mwe Read: Luke 14: 1-6

Deaconese Leilani Sigrah
Deaconese Leilani Sigrah

Me lutlut se inge sikyak ke pal se Jesus El tu som in wi mongo bread ke len sabbath in loom sin sie met kol lun met Pharisees. Ac ke Jesus El utyak nu in loom sac fwak mu met uh tonel na. Inmasrlon met inge oasr mukul se su faf mutal ac niyacl ac el som nu yurin Jesus, oinge Jesus El siyuk sin met luti ke ma sap ac met Pharisees ” ku ma sap lasr uh lela in akkeyelah mas ke len sabbath ku tia”? Met uh tiana topkol Jesus ku fwakla sie kas, na Jesus El akkeyela met sac ac supaclah. Jesus El sifwil siyuk sin metu la, fin sie selos oasr wen se natul ku ox se natul su putatla nu in sie luf loal ke len Sabbath, yac elos ac tia sa na in sraklalek? Ac elos tiapacna topkol.

Jesus El som nuke mongo se inge kena sripen wo lal, ac el tiana sulelah la met fuka el som in wi uh. Met kol se lun met Pharisees inge ku met in kuhl sac elos sukna ma in sang metahl Jesus in akolukyacl. Ke na sripen elos met orekma yok ke ma sap ac elos etu mu elos tia na lela in unwela met mas ke len Sabbath, ac Jesus El unwelah met mas sac. Ne oinge Jesus El oru na wo lal ac akkalemye oiyen orekma usrnguk lal ye mutalos. Yok lungse, kulang ac pakoten lun Jesus panang El ne etu la oiyac se El orala inge lain akwuk ku ma sap lun met Pharisees inge, el tiana tupan in unwelah met mas sac. Akwuk lun God panang in sikyak oinge, in akkalemye lupan ku ac usrnguk lal ke oiyen wen natul Jesus Christ su tuku nu fwalu in akkalemye ke ku lun orekma lal, met fwalu in liye ac etu la paye El Wen nutin God. Tu ke sripen yok srunga lun met kol lun met Pharisiees inge panang elos sukna ma in akolukyacl Jesus, pana fwakak kalem in me lutlut se inge.

Me lutlut wo tuku in luti kut ke oiyen orekma wo ac usrnguk lun Christ Jesus.

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.