Tuesday September 1 2015
Sifac: Sie Pre In Sang Kuloh
Mwe Read: Chronicles 6:1-15

LM Driskell Jack

In oana ke ohrella na mwowo se lal Tokosra Soloman inge, (2 Chronicles 6:1-15), kut wehlul in kaksakin GOD Papa Tumasr ke lungse ac pakoten lal nu sesr nukewa. Kut ahkulen pac ke ma El wuhlehla, tia ku in tahfongla. Pa kut ahkuhlen ke mwe luti se nu sesr ke len misenge uh, Tuesday, September 1, 2015, su fahk ouinge: ‘Sie Pre In Sang Kuloh’.

Pre in sang kuloh se inge ma lal Tokosra Soloman ke pacl se ma El ahkuhlenak pang nu sel la, El pa mwet se ma ac sacfuhnsuliyac finsrak se lun Papa Tumel, David in musacehak Temple lun GOD Papa Tumasr. Inge Tokosra Soloman el ahkohla in srohkackunla muhsac nuke Temple se inge in fahsr facl nuke inkanek in akfuhlatye Leum GOD. Pa akkalemyeyuk orella se lal Tokosra Soloman, meet liki el akfahsrye ouiyac nuke pwelung se inge. Fahk ke fus ak singaul-12 ke mwe 2 Chronicles 6 an, “Ouinge, ye mutun mwet uh Solomon el som ac tu mutun loang uh, ac sralak paol ac pre”(2 Chronicles 6:12).

In pre se lal Tokosra Soloman, ma Simusla akkalemye ac fahk ouinge, “Na Tokosra Soloman el pre ac fahk, “Leum GOD, kom sulela tuh kom in muta ke pukunyeng ac yen lohsr.” Kalmen fahk se lal Tokosra Soloman inge, akasmakinyelos la GOD Papa El tu wehlulos ac kohlohlos ke sie sruhwen eh (pilar of fire) ac sie sruhwen pukunyeng (pilar of cloud); ke elos kolyuk mwe sel Mwet Kol, Moses su kohlohlos mwe liki kos lalos fihn an Egypt nuke facl in wuleang.

Ke elos suhn facl in wuleang, finsrak lun GOD Papa pa elos in moul in misla and in eis mwe insewowo ke lungkulang ac pakoten lal. Kut luti pa ke lutlut BIBLE lasr la ke elos forfor yen mehsis ke lusen yeac angnaoul (40 years in the wilderness), elos uhs pac Tuptup lun GOD (Ark of the Covenant) ac ohyacpac lom in alu se selos, su elos srumon ke BIBLE natusr uh muh ‘Tabernacle’ se. Sramsram ke Tabernacle se inge oasr in Exodus sapta longonul limekosr (25) ac onkosr (26). Ke kas lasr uh, fahk mu lom alu se inge pa ‘Lohm Nuknuk Mutal’.

Lohm Nuknuk Mutal se inge pa Temple lun GOD su musaiyukla sel Tokosra Soloman, luhmehyukla kac (Exodus 36:1-37).

Ke fus se ak luo an, Tokosra Soloman el fahk, “Inge nga musaela sie tempul wolana nu sum, Sie an kom in muta we ma pahtpat”(2 Chronicles 6:2). Tempul se inge pa kut etuh muh pa musaiyukla fihn an Jerusalem. Tempul tu orekmakinyuk sin tulik nutin GOD nuke pacl se ma elos tu forla liki GOD, suhn ongaiyac na yok; uhtukla muta in sro fihn an Babylon ke lusen yeac itngaoul (70 years). Tempul se inge pa kut lutlut pac kac muh Ezra, Nehemaiah, ac Zerubbael (Haggai 2:23), fohlok in aksahsuhye la in sifwil pa oasr niyen alu lun tulik nutin GOD.

Na meet liki elos ahkolla in oru alu lalos luin Tempul se inge, Tokosra Soloman El oru sramsram lal nu sin mwet Israel ac pre nu sin GOD ac fahk; “Kaksakin LEUM GOD lun Israel! El liyaung na wulela El orala nu sel David, papa tumuk, ke El tuh fahk, ‘Oe ke pacl se nga use mwet luk liki acn Egypt new misenge, nga tiana sulela kutena siti in facl Israel tuh in musala sie tempul mwet in alu nu sik we, oayapa nga tiana sulela sie mwet in kol mwet luk mwet Israel. Tuh pa inge, nga sulela acn Jerusalem tuh in acn se mwet uh fah alu nu sik we, ac David elan leumi mwet luk.’” Ke kut read ac kalem ke fahk inge, ma nu sesr in etu la wuhlela nukewa lun GOD Papa Tumasr ac sikyak oana ke El akkalemye in BIBLE natusr nu sesr misenge.

Lela kut in oana Tokosra Soloman in liye la, wuhlela lun GOD Papa Tumasr arulana kawil. Mwe lutlut se inge, luti kut la, wuhlela lun GOD Papa Tumasr nu sesr tia ku in tahfongla. Ke GOD Papa el tu wuhlela nu sel Tokosra David muh Soloman pa El suhlela in musaela Tempul, sikyak oana ke fahkla lal. Ke sripac se inge, Tokosra Soloman El sifwil pre ac fahk, “LEUM GOD lun Israel, wangin sie god oana kom inkusrao ac fin faclu. Kom akpwayeye wuleang lom yurin mwet lom, ac kom akkalemye lunge lom nu selos ke elos akos kom ke insialos nufon”(2 Chronicles 6:14).

Kulo kaksakin sie mwe lutlut su kut ku pac in luhmah nuke ‘Divine Appointment’ lun GOD nu sesr. Kalmeyen ‘Divine Appointment’ se inge pa, fihn oasr kulansap se ma GOD Papa Tumasr El nu ahkowo ac srisngiyac nu sum ku nu sik, ah fah wangin tahfongla kac, kut fin AKSOL. Pwenang, in pacl eh nukewa, kaksakin GOD Papa Tumasr ke lungse kawil lal nu sesr.

Pakoten lun GOD Papa in Kol kut ac akkeyekut nukewa!

LM Driskell J. Jack
Kosrae-Seattle Congregational Church
alukosraeseattle@gmail.com
(206)946-0937