Kunokon
TUESDAY: July 11, 2017
SIFAC:”Ke Lwesahk Almond Ac Tuhp Pohel”
MWE READ: Jeremiah 1:11-19
Mwet palu Jeremiah pa sumusla book se inge nu sin mutun fal Judah ac nu sesr misenge kut in wi etu ka ac lutlut ka pac. Jeremiah el nuna suleyukla sin God meet liki na el oasr insien nina kial tu elan sie mwet palu ku tutaf po lal. Kesripen koluk lun mutunfal se inge panang God El pang nu sel Jeremiah ke arurama tu elan tuyak ac som fakelik ke mwe ongaiya na yok su el akola nu selos. Elos fasr liki God, orek kisa nu sin god saya, orek ma srolala ac alu nu se. Kasrkusrak lun God El oana sie tuhp boil ne arulana folla ac akola in ukwuiyukla falos. Orekma se God El panglol Jeremiah in oru inge tia fisrasr tusruktu God El wulela nu sel tu ela tufa welul, karungnulang ac kutangulosla kewa su ac tufa tuyak ac meun el. Mwe read se inge tuku in luti kut ke pang lun God nu sesr la kut fusr ku kut mahtu la kunokon san upa ku fisrasr ku la srik ku yok ma enenu in orek. Kut in akola ke pal nu kewa ac tuyak oru oana el sapkin ke pulaik, oaru ac tia alolo. Kut in lulalfongi ac etu la ela tufa wi kut ac karingin kut nuke safla. Kulo ke mwe lutlut wowo nu sesr nukewa!
