Kunokon
Tuesday – June 20, 2017
Sifac: Lipufacn Sac Eis Mwe Kihsac Lal Manoah
Mwe Read: Mwet Nununku 13:19-23
Me read se inge sikyak ke pal se mwet Israel sifil folokla seakos God panang God el sang tu elos in pulakin ongaiya su pa kalem ke sruuh lalos ye poun mwet Philistia. Tia na kalem la su simis mwe read se lasr misenge u tusruktu akkalemyeyeyuk la oasr sie mukul su pangpang Manoah su ma ke sruf lal Dan ac payuk sin sie mutan talap kalmeya an pa wangin tulik natul.
Oasr sie lupufan lun God sikyak nu sel ac akkalemye la ela fa pitutu ac oswela sie wen ac el pa ac fa mau molela mwet Israel liki inpoun mwet Philistia. Manoah ac mutan kial oru sie mwe kisa firir nu sin Leum God ac ke pal se e sa firiryak liki loang sa na elos liye ke lupufan sa weak firir sa som nu inkusrao ah. Yok sangeng lalos panang elos putati ac faksufi infoku. Manoah el pangon mu eltal ac misa kesripen eltal sram2 nu sin God ku nu sin lupufan lun God. El tena pangon mu God el insewowo ke mwe kisa lal nu sel.
Oana akkalemyeyuk ke Psaml 20:3- lela tu elan engan in eis mwe sang lom ac insewowo ke mwe kisa lom nukewa. Pus ma kut ku in lotela ke mwe read se lasr inge: In akkeye insiasr nukewa ke kut oru mwe kisa lasr nu sin Leum God u, finne srik kom in sang ke insiom mwe sang ku mwe kisa lom God el engan ac insewowo ka ac oayapa kut fin sang insiasr in lulalfongi kal kut ac fa wi pac pulakin mwe insewowo nu sesr.
