Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon
By LM Tolenoa M. Tolenoa

Tuesday June 2 2015
Sifac: Tia Ku In Kaingkunlah
Mwe Read: Amos 2:9-16

LM Tolenoa M. Tolenoa

Meet liki ma nukewa ngan kakskin God Fulat lasr ke mwe insewowo puspus kut pulakin ke moul lasr kais sie yokna moul wowo su El karungin ac akinsewowoye, oayapa ke El tia tui in akasmakinye kut ke len nukewa ke kas in moul Lal. Ke kais sie len El ase kais sie polo kas in karungin kut, in akacsmakye kut, ac in kol kut ke fufacsryusr lasr ke moul in ikwa lasr kais sie. Kut insewowokin lah El tia tui in lie kut ke kas moul Lal ac sifwil ase pacl lasr in sekin ku nahwu moul lasr nu sel ke moul in lulalfongi lasr, yok na kut in nahwekut nu ke moul se tok ah.

In oana ma srumunyuk ke koanon mwe read u, Kut inge liye sramsram kacl mwet Palu Amos.  Su fahk lah Amos pa mwet Palu se emeet inmasrlon mwet palu pus su kahs in palu la uh simmla ln ma sumusla.  Akkalemye pusren Leum God nu sel lan akkalemye ke sripen orekma koluk lunmwet u.. Fwak lah pacl se inge Israel kitakatelik nu ke Northern Kingdom (Israel). Ac Southern Kingdom pa (Judah) tukun King Solomon el misa ah. Sruf lal Judah ac Benjamin pa Judah, ac sjruf 10 sacya ah pa Israel.  Amos el finne tuku ke sie city srisrik lun Judah, el oru orekma lun palu Lal ke yr.760-750 BC.  Su ke pacl se nge Jeroboam wen natul Jeoas el tokosra lun Israel ac Uzzaiah el tokosra lun Judah.  Amos el akilen ac liye lah kutu sin mwet we insewowokin mwe kasrup lalos su kasrpaclos ma tuku ke inkacnek sesuwos ac kutasrik sin mwet sukahsrup ac mwet munas.   El oayapa akilen lah moniuk lalos ke Alu u mena luma,elos tia oru Alu lalos u ku inse paye.
 
Ke Leum God El fahkak nu sel Amos ma su El ac oru nu sin mwet u, Amos el pulaik in fahkak la Leum God El ac fwa kai mutun fwacl sac.  Su el fahkak ke nununku lun God nu sin Israel ac mutunfacl atulani lal.  Ke sripen mwet u fwasr liki inkanek lalos nu sin God, sikaleni na in orekma kolukye mutun God su ma inge aktaekye inne mutal lun God.

Leum God El ke Israel in arulana akilen lungkulang ac pakoten Lal nu selos, ke El tu sulalosla mu elos mukefanna pa mwet Lal, su ke sripaclos El welulos in kutangla mwet meun ku ac fokoko su elos meuni. El molelosla liki keok lalos in fawcl Egypt.  El kololos yen mesis u ke lusen year 40.  El sang acn selos in muta ac moul in insewowo fac. El oru tu mwet fusr natulos in mwet palu lun God. Leum God El ke elos in akilen lungse pwaye Lal nu selos a elos kuflah liki inkanek lalos nu sin God ac orekma koluk lain God.
 
Mwet palu Amos el sulkakin ac fahk lah Leum God Ella sang kai lal nu sin Israel suelos acfah tia ku in KAINGKUNLAH Leum God El ac tufwa fwacsr lukwelos ac isaclosyang nu inpoun mwet lokoalok lalos in kutanguloslac ac usalosla tu elos in mwet sroo.

Mwe Read u ahkacsmakye kut in akilen pacl u lah, misenge kut muta ke LEN SAFLA, (2 Timothy 3).  Book se ingacn srumun arulana kalem lah el su koluk lana ku el su amei nu sin Ngun Mutal el arulana akyokye ma koluk u in kiacpwe kut lac. Su enenu kut in arulana inkanek ac sulacla lasr ke pacl se inge in tia kiacpweyuklac kut sin devil.  Meyen Revelation 22:11 fahk oinge, el su orekma koluk lela lan oru na ma koluk, ac el su moul fokfok lela lan oru na ma fokfok, ac el su oru ma wo lela lan oru na ma wo, ac el su mutahl lela lan mutana in moul mutal.  Ke Leum God El se pacl lasr in sifana nahwekutlac nu sel inge, mwe insewowo lasr in orala sulala wowo meet liki pahtlac, meyen God el sie God pahkotwen ac El oayapa sie God lemta; kut ac kofla na in kaingkunla kasrkusrak lun God. Su lela kut in suuk God meet liki ma nukewa, meet liki kut patlac wacngin pacl lasr..

Kulo ma lulap ke mwe lutlut wo su arulana fwal in kasre kut ke moul in mwet lasr nu ke pacl se inge in sang nahwu moul in lulalfongi lasr nu sin God Fulatlana lasr.

LM Tolenoa M. Tolenoa

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.