Kunokon
Tuesday April 26 2016
Sifac: Kihtakat ke Oaru Luhn God
Mwe Read: Deuteronomy 2:4-8
Kulo kaksakin God Fulat lasr ke moul wowo kut pulakin ac ke mwe lutlut wo su El ase in karungin kut ac akkeye kut ke moul in lulalfongi lasr. Mwe nunak se inge tuku ke Kaiyuk lun God nu sin Tulik nutin Israel. Ke na sripen Kaiyuk se nge, Leum God El sang yeac 40 nu selos in forot forma roundi na An Mesis. God el akkalemye kasrkusrak lal nu selos ke sripen Trokaskas lalos ke En God. Moses el sulkakin nu selos in Esam Kolyuk lun God nu selos ke Fufasryusr lalos yen mesis ah lah, – Leum God El welulos karungunulos ke moul lalos, Nuknuk lalos tia mahi, Niaclos tia pac Fahfack, Ke elos masrinsracl Leum God El kitaclos ke Manna su finne elos sifana ku papa tumalos soenna kang meet. God El oru oinge in lotelos in etu lah mwet uh tia moul ke bread mukena a elos moul ke kahs lun God. In fufasryusr lalos ke Len, Leum God El fasr meet lukelos ke sie sru in pukunyeng in akkaleye nu selos An elos in fasr nu we. Ac ke Fong God El fasr meet lukelos ke sie sru in E in sang kalem nuselos. Leum God El supu ma uppa nu selos in srikaclos ke moul in lulalfongi lalos lah paye elos ac ahkos Masap lun God nu selos. Deut.32:13 fahk lah kasrkusrak lun God sin mwet uh oru elos ac forfor na yen mesis u yac 40 ne ke Fil na fon se ma oru ma koluk ye mutun God inge misa.. Mwe lutlut se nge luti kut ke moul lun tulik nutin Israel ac ke kitakat oaru lun God nu selos. Oaru lun God el akpayeye ke lusen thousands yeac tukun El tu orek wulela nu sel Papa Abrham ke kitakat se omeet lal nu sel Abraham papa matu tuman Israel ke sie Facl kasrup pa nu ke Acn Canaan.Ke kutu pacl tok, God el tu panglol Moses lan kola tulik nutin Israel liki Facl Egypt nu Canaan facl in wuleang. Oinge ke elos fufasryusr nu yen Mesis uh God El tu sang me srike nu selos in srike lupan lulalfongi lalos. Su elos tu torkaskas ke en God, Ne oinge God El karungin moul lalos.ac oaru in kitaclos ke manna, kof, ku won tuku lung me. Misenge kut enenu in arulana akilen kulang lun God nu sesr lah El ne nacklah Faclu ke mwe enenu nukewa lasr mwet uh, a ke sripen lungse kawil ac oaru lal, El srakna nekkut ke wolana lal ac ke mswe insewowo puspus ma in akwoye kut. Kulo kaksakin God ke insewowo lal kut pulakin ke lusen moul lasr fin Faclu se inge.. Oayapa kuloke mwe lutlut wowo kut eis ke pacl se inge inkasru in karungin moul.
