Kunokon

Tuesday April19 2016
Sifac: Pahngonyuck Nuhke Sou
Mwe Read: 2 Timothy 1:3-10

Kulo kaksakin God Fulat ke pacl wo El sekin nu sesr in wi lutlut ke kas Mutal Lal kas in Moul. Sifac lun me lutlut uh fahk oinge.”Pangonyuk nuke Sou.” Mwe nunak uh tuku ke Letter ak 2 lal Paul nu sel Timothy. Letter 1,2, nusel Timothy wi Titus letter 3 inge pangpang mu “Pastoral Letters” men pusren letters inge, ku instructions Paul el sang nu sel Timothy ac Titus in letters 3 inge. Elos in akilen ac kalem ke kunokon lalos wi karunginyuk lun sie Pastunu in sie Church.

Fahk pac lah letters 3 inge simmlah tia loes tukun ma sik in Orekma chapter 28. Letter ak 2 nusel Timothy simmla ke kapir ak 2 lal in an Rome. Pal se nge Titus el aolul Paul liyacng church Crete, Timothy el el karungin Church Ephesus.Sripa lun letters lal

Paul inge pa in akkalemye ke:
1. Muhkuh lal in polong mwe lain nusel ke sripen gospel.
2. Yok nunkeyen Church sel in naweyuk in kapkapak, in akwoyeyuk, ac in insewowo.
3. El ke sim nu sin Church Ephesus a in utorol Timothy.

Mwe nunak se inge, Paul el sim nu sin mwet ma el likseni na lulalfongi mu ac ku intafwela sulkakinyen Pengwo ke gospel, ke sripen el muta in Prision ac el akilen pac lah moul lal apkuran in ituklah lukel,(2Tim. 4:6-8). Oinge el akkeyacl Timothy lan ku in pulaik na esam lah el tuku sin ninac,nac matu yok lulalfongi la ke God.Paul el kafwel Timothy la orekmakin Ngun lun God yorol el tu akmusrala nu kac. Su ma in akkeyacl,elan tia mekin in fahkak ke ma paye ke gospel. Elan wi koek ke sripen Pwengwo in fal nu ke Ku su God El sang nu sel. Men Ngun se inge tuku nu yorosr tia ke sripen ma wo kut oralla a kena sripen plan Lal ac lung kulang lal.
Paul el sapkin nu sel Timothy lan akkeyacl ke kulansap lal in Church Ephesis. Lan akasmakinyelos elos in tia akukuin ke kalmen kas, elan akkeyacl tu God lan liyeaclang wo. Elan tia moulkin sramsram lisrongten wangin sripa,men ma inge ma ac akloesyaclik mwet u nu sin God.Elan moulkin kulang,Elan sie mwet luti wo, mongfusrasr, Elan luti ke Pengwo ac moniuk in fahkak in pacl fal ac in pacl sufal.

Mwe lutlut u tuku oinge in luti kut ke sie Pang tuku sin God me nu sel Paul ke sripen el instrument se lun Christ Jesus. Oinge Paul el tafwela Pang se inge ke Ngun lun Christ nusel Timothy elan oracni mwet u in wi ipeisi Sou lun God Moul.
Christ El tuku misa, moulyak sakunla inkanek lun kewana mwet Jew ac mwet Gentile nu ke sou lunGod. Musenge Paul el Timothy lan pangon mwet u, sulkakin lah pukanten room in loom sin God. Mwet nukewa welcome nu in Sou lun God.

Kulo malahp ke kaswowo kut ku in long ac eis in asmakinye kut ke moul lasr….kulo ma lahp …
.tk