Kunokon
Tuesday April 18 2017
Sifac: Fahko Luhn Ahksuwosyeyuck Ke Luhlahlfongi
Mwe Read: Rome 5:1-5
Oana ke kowos read ac kalem ka an la Paul el arulana insaneang in srumun nu selos mwet christian fin an Rome ke leta se lal inge in akuteya ke oiya fal ma sie mwet lulalfongi enenu in fasr ka ku finne nuke moul sasu lalos in Jesus Christ. El akkalemye la wosasu ma God el oru inge, pa ke tuku lun Jesus Christ nu falu neke na el sripsripyak fin sakseng pa ac aksuwosyalos ye mutun God elos fin lulalfongi ka—ke mutawaak nuke safla. Mwet nukewa enenu in aksuwosyeyuk ye mutun God kesripen kut nukewa oasr ye ku lun ma koluk. Kesripen Christ, kut nukewa ku in tukeni in ngun sefana ye mutun God. God el esalang Jesus Christ nuke misa kesripen ma koluk lasr ac el akmoulyelak tu elan aksuwosye kut ye mutal sifana. Kesripen LUNGSE yok lal nu sesr, el pilasrela moul lal in KEOK fin sakseng tu kut in eis MISLA ac FINSRAK lasr ke moul sasu se su el akola nu sesr. Mwe read se inge luti kut in etu la arulana yok sripa nu sesr in wi lulalfongi ke Jesuss Christ kesripen el pa inkanek in molela se fana nu sesr mwet u. kulo
