Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon

TUESDAY: December 06, 2016
SIFAC: “Oarulacna, Suwohswohslacna, Ac Nunkuhnku Suwohs”
MWE READ: Psalm 89:1-6, 14

LM Driskell Jack

Oaru(lacna), Suwosh(wohslacna), Ac Nuhnuhnku Suwohs tuku yurin LEUM GOD mukena. Pwenang kut enenu in wohwoyak ke engan in orella kuhsen kaksak lasr in oana ke Ethan el akkalemye ke On-in-Kaksak lal, su akkalemyeyuk nu sesr ke Psalm 89.

Ethan se ma simusla Psalm 89, akkalemyeyuk in [1 Tokosra 4:31], la el sie mwet lalmwetmet, tusruktu wangin sie mwet in pal se inge lalmwetmet la ku in kacpsreyuk nuke lalmwetmet ma LEUM GOD El ahsang nu sel Tokosra Soloman. Akkalemyeyuk nu sesr pac la Ethan el sie mwet ke sucu ku sruf se ma pangpang Ezrahite. In [1 Chronicles 2:6], akkalemye pac la our tulik mukul akosr (4) wiyel. Inelos pa Zimri, Heman, Calcol ac Dara. Ac oasr tulik mukul se natul Ethan; inel pa Azariah. Papa tumalos pa Zerah, su pangpang pa Mahol), pa akkalemyeyuk in [1 Tokosra 4:31], la el ma ke sucu ku sruf lun Levi. Kut etu la Mwet Levi elos mwet ma LEUM GOD el suhlela in kol ke pacl in alu.

Akkalemyeyuk in [1 Chronicles 15:17] la Ethan el wih Mwet kulansap ma srike in fohlohkonma tuptup lun God nu Jerusalem. Sie eh ma pangpang el kac pa ‘Ethan natul Kushaiah’. Tusruktu, akkalemyeyuk in [1 Chronicles 15:19], elos tulik ehtehyuk ke srital ke mwe On. Ethan se ma akkalemyeyuk ke sucu se pangpang Ezrahite; pangpang pac el ke ine se saya, Jeduthun pa ke mwe read se in [1 Chronicles 16:38-42], su kowos ku pac in readi in Psalm 62 and 77.

Nuke akkalemye lal Ethan ke sucu lal Ezrahite, el ihkacsla kusen kaksak lal ke fahk se inge: “O LEUM GOD, nga ac fah onkakin lungse kawil lom pacl e nukewa. Nga ac fah fahkak oaru lom nwe tok” Psalm 89:1). Ke fus se meet nuke fus ak akosr (1-4), Ethan el oralla kaksak lal nu sin LEUM GOD in kaclem nu sin ful nuke ful. Sripa yok lal Ethan pa in akasmakinyekut ke pacl uhpac nu sesr la wuhlehla lun LEUM GOD nu sel Abraham [Genesis 15:7], tia ku in tafongla. In akasmakinye kut la sie sohlo ac muh srunyak ke sruf lal David, in pa tuku in Tokosra nu fin faclu nufon. Akkalemyeyuk in [Amos 9:11] ouinge, “LEUM GOD El fahk, “Len se ac fah tuku ke nga ac fah sifil folokonak tokosrai lal David, su oana sie lohm ma ikori ac sruala. Nga fah tulokonak ac aksasuyela sinka kac. Nga fah sifil pa musaela ac orala tuh in oana pacl meet ah.”

Finsrak yok lun LEUM GOD nu sesr pa kut in lulalfongi wuhlela lal nu sel Abraham su pa akkalemyeyuk ke fus 5-18 ke Psalm soko inge. Ethan el kaksakin LEUM GOD ke ouiyac mutal lal ac ku lal su wangin sie saya oasr yoro. “Kusrao onkakin ma wolana kom oru, Elos su mutal fah onkakin oaru lom, LEUM GOD. Wangin sie inkusrao ku in lumweyuk nu sum”[Psalm 89:5-6].

Kulo ma lulap ke mwe lutlut mwo tuku in akasmakinye kut la ma LEUM GOD El wuhlehla kac, in sik fal nuke akwuk kawil lal.

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.