Kunokon
Thursday September 8 2016
Sifac: Suli Mwet Suc Enenuh Nuh Ke Tepuh Lom
Mwe Read: Luke 14: 12-14
Paing kowos nukewa…Kulo nu Sin God ke pal wowo lasr nukewa.
Mwe read se Inge luti kut in etu la orekma lasr fin falu se Inge asr yurin God pal nukewa. Fahk mu kut fin suli met nuke kufa, kut in tia suli met eteyuk ku met kawuk lasr mukena. Kut fin oru oinge Kut etu tari la elos a folokin fal nuke oraclah lasr. Ac pacna ngan molin orekma lasr u su kut nukewa etu la sukawil.
Oiyac lun God pa kut in suli elos su enenu ku elos su ma tiac kuin folokin ma wo kut oraclah nuse. Meyen kut fin oru oinge, na Leum God elac fah use molin orekma lasr ke saflaiyen ma nukewa.
Pus pal kut oru ma u in liyeyuk a kaksakinyuk sin metu; kut mulkunla la God El liye insiasr a El tiana engan ke kain oiyac oinge. Meyen kaksak ku kusen kulo ma kut eis sin metu tiana kawil oana ke molin orekma lasr ma God El a use ke Len in Nununku.
Kut enenu in esam la Leum God El liye kut a etu orekma lasr in pal e nukewa. El kena tu kut in nunak oana El, in esam in oru wo nuselos su enenu pal nukewa. Oayapa kut in tia oru ma wo nusin met ngiac na kut sano in folokinyuk nusesr. Oraclah ma u ke insiom kewa nuSin God!
