Thursday – 09/03/15
Sifwa: Ma Wo Yohk Liki Tuhkuh ke Pre
Book: John 14: 11-13
 |
| Deaconese Havelyn Tosie |
Sifil paing kowos nukewa, kulo ke sifil sie sin sie ke KAHS Wolana LAL nu sesr len nukewa…
Mwe Rid u kalem mu sikyak ke week safla ke moul lun LEUM in an Jerusalem a an apkuran nu we, Leum fwakak yokna ke nunak LAL nu sin met tuma lutlut ke fong se tukakinyukyak EL; sramsram lun Leum ma in akoelosla a akpulaikyalosla;
JESUS EL akkalemye ke tafun mwe read meet u fwak mu “NGA pa Inkanek paye a Moul, wangin mwet som nu yurin PAPA fin tia ke NGA”… sie selos met tuma lutlut su pangpang, Phillip, el oru siyuk lal nu sin Leum ” Leum fwakulak Papa nu sesr,
Pusren Jesus nu sel, fwak oinge, “Nga muta yuruwos pal na loeloes, ya paye kom tiana eteyu? EL fwak pa mu kutena mwet su liyeyu tari el liyal pac Papa. Panang EL fwak in Verses 11 fwala oinge, Lalalfongi ke nga fwak mu nga muta in Papa, a Papa el muta in NGa, Kowos fin tia lalalfongi ma nga fwak inge, na kowos lalalfongi ma NGA oru.
EL oayapa fwk mu “Nga fwa oru kutena ma kowos siyuk kac inek, tu wolana lun Papa fwa akkalemyeyuk in Wen…Kowos fin siyuk kutena ma ke inek, nga fwa oru… Mwe lutlut se inge akkalemye fwak lun Jesus su el fwak, ” Kut in esam lah kut kuh in siyuk manukewa ke en Leum. Fal nu ke kena a oiyac lun God. Kut in tia prey siyuk ke mwe enenu lasr mukena uh kut in siyuk pac ke mwet ngia…
