Kunokon
THURSDAY: July 20, 2017
SIFAC:”Ma Sap Sihmla Tilokihn Mwe Keok Luhn Mwet Jew”
MWE READ: Esther 8:7-10
Mwe read se inge sramsram ke oiye na koluk se Haman suc ma sramteyack ma sap koluk in onellah mwet Israel. Akwuk lun God orekmakunul Esther elan som faksufi ye mutal Tokosra Ahasuerus (ah-hahz-yoo-ay’ruhs) suc oayacpac pangpang Tokosra Xerxes I. Pa inge pacl se ma Tokosra Ahasuerus el konauk lah mukuikui se la Haman inge tia fasr fwal nuke oiye paye kuh akwuck suwos.
Ke sripac se inge, Tokosra Ahasuerus el sang kuh nusel Esther ac Mordacai elos in pangoneni mwet sim nukewa lal in akiyac sie ma sap sasu ah suc ma in oan fin ac in ku liki ma sap se el sang nusel Haman ah. Ma sap sasu se inge pa in tulokinyac keok ku ma upa ma mwet welul Haman ac elos in pacl sac ah in sang kaiyuck ku pa na in onella mwet Israel. Ke sripen itukyang ku nusel Esther ac Mordacai in sumusla ma sap sasu se inge, elos akfasryela oana ke Tokosra Ahasuerus el sapkin pacnacng loangweyucklac mwet Israel liki mwe keok yohk se inge.
Nusik kom uh pa in kalem kac lac pangyak Esther ke pacl na enenu yohk se nusin mwet Israel ku Tulik Nutin God. Mukuikui se inge lumallah pac nusesr in akilen lungse yohk lun God pa in molikutlac liki misac pa ke Wen Sefanna in misac ac molikutlac. Na pa kut mwet lulalfongi uh in kalem kac lac, Leum God El ac orekmakin kais sie mwet ke acn kut oasr we in ase molellah nusin mwet ngiac in fwal nuke lungse ac akwuck Lal. Ma kunasr uh pa in lipsre ac porongo Kahs Lal ac in fasr ke akwuck lun Leum God.
