Thursday July 2 2015
Sifac: Srike Nunak Luk ac Insiuk
Mwe Read: Psalm 7:9-17
 |
| Victor Melander |
Psalm 7: 9-17: “9 KOM sie GOD suwoswos ac KOM nununku nunak lasr ac ma lungse lasr. Kutongya orekma lun mwet koluk ac sang ma lacne nu sin mwet wo. 10 GOD EL Mwe loeyuk luk. EL molellos su aksol. 11 GOD EL oru nununku suwoswos ac EL kwase mwet koluk. 12 Elos fin tia auliyak, na GOD EL ac fah tamla cutlass natul, ac akoela mwe pisr natul. 13 El srukak mwe mweun natul ac ngasla mwe pisr firir natul. 14 Liye ke mwet koluk elos lungse sramtauk pwapa koluk; elos purakak lokoalok ac kiapu mwet. 15 Tusruktu mwe kwasrip elos akoo nu sin mwet saya, elos sifacna sremla kac. 16 Ke ma inge elos akkeokyekut ke ma koluk lalos sifacna, ac akngalyeyuk ke sulallal lalos. 17 Nga sang kulo nu sin LEUM GOD ke nunuku suwohs LAL; nga on ac kaksakin LEUM GOD Fulatlana.”
Poetic Justice: Taran ma kom oakiyac in ackngalye mwet saya. Fus 15, akkalemye: “…mwe kwasrip elos akoo nu sin mwet saya, elos sifacna sremla kac.”
Kut som na ke fus 1-2 ke sapta 7 an: “O LEUM GOD, GOD luk, nga tuku nu yurum tuh KOM in karinginyu; langoeyula ac moliyula lukelos nukewa su ukweyu. KOM fin tia, elos ac tulakinyula ac sreyuwi oana soko lion sulallal, yen wangin mwet ac fah ku in moliyula.” Tia kalem lac su nge ukwel David inge tusruk eteyuk lac Cush pah sie selos. El pah utuk kas kikiap na sel Saul lac David el sulallal na sel.
Mwe luti na sesr Christians uh lac ma upac sikyak na sel David kut palakin pac. Mwet lokoalok lasr tia tui ke akkoluk u fwak ma koluk kasr fwinne tia paye. Kain in lumac se nge tia ma kut a lut kac. Mwet nukewa su ma tu ku ke Kas LUN GOD u, fwalu oralla tu kom mwe lokoalok se. Ma kunesr in akkeyalos su srakna munas ke lulalfongi lalos u in akkalemye la Christians u fwinne insewowo ke wolana LUN GOD. Mwe meon lasr tia tui. Kutu pal u ac upac pahsis kut enenu na muta akkesrui pal na kewa.
Sie ma mwet lulalfongi u palakin ku mweuni paengana len u pa ke sramsram kikiap lun mwet u. Akkoluk, kom pulesreyuk, ku kikiap, oleyuki kom ke ma kom tia oru, ma inge ku in; ke kas lun Palmist, fus 2 “…elos ac tulakinyula ac sreyuwi oana soko lion sulallal, (poetic kato nga lungse). Orek na sel David ac nu sin Leum ac mwet Lango lasr, Jesus. Kom pangon kom kuh in kaengkunlac? Nga tia lulalfongi.
Mwe luti se pac na sesr. Paye lac kut ku in foloksack tu GOD EL fwak, “tia oru.” Liyal David. El etu lac mah fwak kel tia ma paye. Ac mea el oru? El som na sin GOD su oru nununku suwos. Oasr soko soakas “Tia nget na ke mah upac arunikomlac nget na sin GOD.”
Kulo na ma lulap GOD EL lungse kom.
