Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon 
By Victor Melander

Thursday June 4 2015
Sifac: Nga ac Kai Ma Koluk Lowos
Mwe Read: Amos 3:9-15

Victor Melander

Nga lungse pac pain kowos misenge nu ke kunokon lasr u. Ac fwin aui sowos nga ngusre kut in som na ke Psalms 78: 58-64 “Elos arulana akkasrkusrakye GOD ke nien alu lalos ac ke ma sruloala lalos. GOD EL arulana mulat ke EL liye ma inge. GOD EL som liki lohm nuknuk SEL in Shiloh, lohm se su EL muta loac inmasrlosr. EL lela tuh mwet lokoalok lasr in sruokya Tuptup in wuleang, su akilenyen ku ac wolana LAL. EL arulana toasr sin mwet LAL ac EL lela tu elos in anwuki sin mwet lokoalok lalos. Mukul fusr elso misa ke mweun, ac mutan fusr uh wangin mwet elos in Payuk se. Mwet tol elos anwuki, na tia lela tuh katinmas kialos in eoksra.”

Nga ke kut in liye lupan tafonglac lun mwet Israel, oru GOD EL sang kas na sel Amos, elan tafweng na sellos ke lupan ma koluk ellos oru ye MUTUN GOD. Pa kalem ke fus 1 ke sapta 3 ke Amos. “…Inmasrlon mutunfacl nukewa fin faclu, kowos mukena pa NGA sulela ac arulana nunku kac, pa pwanang ma koluk kowos orala arlana yohk nunkeya SIK. Ac pa inge sripa se oru NGA enenu in kalyei kowos.” Ma inge akkalemye suwoswos lun GOD. EL tia fulella ma koluk u in fwallac na ac wangin kaiya. Fwinne acn su ma EL orella fulack LAL ku olle LAL na ke mutun fwal se EL orala mu ma LAL. ELLAC kai pana mweyen EL Srunga ma koluk.
GOD EL akolac ELLAN nununku acn Israel inge na. Ke sripen ellos tia esam GOD su molellos lac liki acn Egypt. EL sap acn Egypt ac acn Ashdod in fwasreni na ke soko inging Samaria in we liye ma upac koluk ac sakuruk sikyauk we, kut etu lac Samaria pa Capital lun acn southern kingdom, pah layan lun acn Israel.

Efu in Egypt ac Philista (Ashdod)? Eteyuk ellos ke kalyei, akmas ke ma koluk na kewa. GOD EL lungse ellos in etu la ellos tellac pa eteyuk ke orekma akmas ku orekma koluk. Ke sripen Israel ellos forlac liki GOD paye, kulensupu god kikiap. Ke sripe se nge ellos koflah na in kalem ke orekma ellos oru lac ma kuluk ku ma wo.

Kut Christians, mesenge sulkakin mu kut tulig nutin GOD. Kut lulalfongi ke Jesus Christ. Kut fwak ma inge ke pusrah ac fukac ma ke moul lasr u? Kut oru mukweikwei lasr u oana ke KAS lun GOD?

Fus 12 ke Amos sapta 3. Wangin na ma ke prae lalos, ku wangin na fwackye mu ellos ma LUN GOD, ku wangin na fwak ke moul mutal lalos. Ma nukewa koluk. Fus 13-15 Sram sram kunyuk iwen kusac loang se. Tu lumeyuk loang u na Sel Jesus. El pa mwet Lango lasr. Tu ke mwe read lasr u, fus 14, GOD EL kunaosla pac Loang u. Ac oasr sie pal kut ac pangon mu srak na yok pacl lasr. Kut ac oru sukosok lasr u met tari kut fwa auliyak, Paye GOD EL fulelac kut in oru ma kut lungse u tusruk GOD EL fwak oasr pac pacl se kom ac forack tu patla. Pa kalem ke fus 14 an.

Kulo ma lulap loeslac kutesrik tu GOD EL Lungse kom

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.