Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon

Thursday June 30 2016
Sifac: Luhng Kuhlacng Lain Ma Sap
Mwe Read: Galatia 2:11-21

Hanna Alokoa
Hanna Alokoa

Kulo kaksakin Leum God lasr ke kolyuk wowo Lal nusesr nukewa. In wi pac oraclah pusren paing luk nusuwos nukewa suc wi pac akfasrye Kas Lal a moulkin. Ac oayacpac nusuwos suc ac tufah eis Kas Lal in mutawack ke sie moul sasu a kawil yurin El Su Fulat liki nukewa.In tafellah Tamulel Victor L Melander ke mwe luti ke Len Thursday:

Mwe read se inge luti kut ke pal se Paul el oraclah pusra suwoswos lal nusel Peter in aksuwosyel ke ma el tafonglac in fasr kac. Fahk mu, Peter el tu mongo yurin kutu met Pegan su ekla mwet lulalfongi. Tukin mwet ingan tuku, el srellah a tia fototo nu yorolos ke sripen el sangeng Met Jew u in liyacl fahk mu el wi met Pegan inge tiac lulalfongi ke Ma Sap su fahk ke kosreyuklac (circumcision). Met Jew sayel Peter u wipana wikwik in orekma ke sripen sangeng lalos; finne Barnabas, el welah pac oiyac se inge.

Paul el liye lupan tafonglac lalos ke sripen el etu mu ma elos oru inge tiana fal nuke Kas Lun God. El fahk nusel Peter mu, “Kom sie mwet Jew a kom moul oana sie met Pegan; na efu kom ku akkohsye met inge in moul oana met Jew?” Kut met Jew ke sripen kut isuslac sin met Jew a tia sin met Pegan, su pangpang met koluk. Tusruktu kut etu la God el aksuwosye sie met ke lulalfongi lal ke Jesus Christ, tia ke orekma wo lal ku tia sripen el akfalye Ma Sap. Wangin met a tufah aksuwosyeyuk ye mutun God ke Ma Sap. Meyen fin kut aksuwosyeyuk ye mutun God ke Ma Sap, na ac wanginlac sripen misa lun Jesus Christ. Paul el fahk mu, nga misa tari ke ku lun Ma Sap ac ma inge sikyak tu ngan kuin moul nu sin God. Nga wi Christ misa tari fin sakseng lal; na moul su nga moul kin tia ma luk a ma lun Christ Jesus su moul in Nga.

Paul el aksuwosyel Peter su oapana nusesr misenge. Kut etu tari ma paye ac suwos; pus pal kut tiana fahsr kac. Kut wi metu oru ma kut etu muh tia wo kut oru; pal se ma met Kol ku Met Kato lasr u wikut u, kut liksreni na ekullah oiyacsr ac orekma lasr uh; meyen kut orekma nusin Met a tia nusin Leum God. Pa inge tafongla se lal Peter ah. El orekma nusin Met Jew in pal sac suc el pangon mu wo tusruktu Leum God el orekmakunul Paul in aksuwosyellah. Pa inge atasr misenge; kut orekma nusin Met a tia nusin God. Tiac enenu in pange ma kut oru uh. Kut enenu in esam lah Leum God El etekut ac liye kut pal nukewa. Moulkiin lungkulang lun Christ in pal e nukewa.

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.