Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon

Friday June 3 2016
Sifac: Sie Len In Ahksahf
Mwe Read: 2 Timothy 4:1-8

Lipan Welly
Lipan Welly

Sifil srui yohk in wi mwet nukewa kaksakin LEUM GOD ke Wen sefanna Natul, Jesus Christ, suh tuku in molela mwet nukewa liki ma koluk. Mwet nukewa orekma koluk, ac elos nukewa tia sun lupan wolana se ma God El akoo nu selos (Rom 3:23). Paing mwet nukewa ac God bless!
Paul el sim nu sel Timothy, tulik kulo nutik: Lungkulang, pakoten, ac mislac nu sum sin God Papa, ac Christ Jesus Leum lasr (2 Tim 2:2). A funu nga, nga akola in kisakunla moul luk, tuh apkuran me pacl luk in som liki moul se inge (v7). Ac inge, oasr sie tefuro in kutangla lemla soaneyu, su ma nu sin mwet moul suwohs. Leum, Mwet Nununku suwohs, el fah ase nu sik in len sac ac tia nusik mukena, a oayapa nu selos nukewa su lungse ac tawi sikme lal (v8).
Sie Len in Ahksaf pa sifac lasr na misenge uh. Paul el akesmakinyelul Timothy ke chapter tolu lah ke len safla uh ac fah oasr mwe ongoiya lulap sikyak: tuh mwet ac fah nunku kaclos sifacna, lungse mani, konkin, ac filang. Elos ac fah kaskas in akkolukye mwet, seakos papa ac nina, nikin sang kulo, ac wangin nunkeyen alu selos. Elos ac tia kulang, tia pakoten, a elos mwet lesrik, sulalal, folo, ac kwase ma wo. Elos ac mwet kutasrik, sopoklot, arulana inse fulat; elos fah lungse mwe pwar yohk liki God.
Elos oru alu lalos mwe na lumah, a wangin ku elos eis kac. Kom in srikomla liki mwet su ouinge (2 Tim 3:1-5). Paul el kwafe nusel Timothy elan luti Pweng Wo, ac elan moniyuk in fahkak in pacl fal ac in pacl sufal. Elan kaelos su tafongla, aksuwosyalos, akkeyalos, ac mongfisrasr in luti nu selos (v2). Pacl se ac fah tuku ke mwet uh fah tia porongo mwe luti pwaye, a elos fah fahsr tukun ma lungse lalos sifacna, ac akpusye nu selos mwet luti su ac fah luti nu selos ma elos kena lohng (v3). Elos ac srungala lohngyen ma pwaye, ac fah lohang nu ke sramsram lusrongten (v4).
Oiyac lasr mwet uh pa: kut e sifacna suk ma uh in wo nu sesr meet liki in wo nu sin mwet wiasr saye. Kahs in esmak Paul el simis nu sel Timothy inge ma nu sesr kewa. Wangin mwet suwohs. LEUM GOD mukena pa ku in aksuwohs ye kut ke moul lasr. Efin kut tia forlah ac eisel Jesus tuh Elan mwet lango lasr, kut ac suk na in wo nusesr meet liki mwet wiasr. Jesus Christ El fin oasr ke moul lasr uh: lungse yohk Lal pa e kalem in moul lasr uh. Ac arulacna yohk pakoten, pusisel, mongfisrasr, ac wangin kutasrik, ac wangin konkin, ac wangin mulat, ac wangin lesrik, ac wangin folo, ac wangin sulalal.
Ac efin Jesus Christ El oasr in moul lasr ac arulacna yohk pacl in alu lasr Nusel ke inse pwaye. Oana ke Paul el simis inge:ac e yohk ku tuku ke alu lasr uh ke sripen kut alu ke kolyuk lun Ngun Mutal ac inse pwaye. Alu lasr uh tia mwe na orek lumah (2 Tim 3:5). Kut e suk in pacl nukewa in fahkak ma suwohs Lun God ac kasru mwet suh enenu in lohng ke Pweng Wolacna Lal. Sie Len in Ahksaf pa Paul el akesmakiye kut ke (v8): “Tawi Sikme Lal”. Efin tia pa inge ma oasr in nunak kuh moul lasr uh mwe ongaiyac yohk e tuku nu sesr. Kut in akollah nu ke tuku Lun LEUM Jesus Christ in pacl nu kewa: Jesus El topokol ac fahk, “Nga pa inkanek, ac pwaye, ac moul; wangin mwet som nu yurin Papa fin tia ke nga (John 14:6). Kut enenu in forlah inge na ac Eisel Jesus Christ tuh Elan mwet lango lasr. Wangin mwet etu len saflah uh.
Ac tuh mwe mea nu sin sie mwet el fin eis lal faclu nufon, a moul lal tuhlac? Wangin sripa, mweyen wangin ma el ac ku in sang in sifil molela moul lal (Matt 16:26). Sifil kaksakin LEUM GOD lasr ke ma nukewa, paing mwet lasr kewa Kosrae ac God bless.

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.