Kunokon
THURSDAY: June 01, 2017
SIFAC:” Kuhsen Kasak Nu Sin Mwet Nuhnuhnkuh Oaru Luhn Isreal”
MWE READ: Hebrew 11:29-40
Ke sripen lulalfongi lalos, tulik nutin Israel elos fasr sasla Meoa Srusra oana elos in fasr fin acn paho. Tusruktu ke met Egypt srike, elos walomlah.
Ke lulalfongi, pot Jericho el mukuklac ke pal se Israel fasr rauni len itkosr in oana ke Leum El sapkin.
Rehab, sie Mutan kosro moullac ke sripen lulalfongi lal. El oru kulang nusin met kalngeyuk lun Israel etu la elos a kasrel elan tia wi met seakos God anwuki.
Verse 32 srumun ke inelos su kut esam ke ma pengpeng elos oraclah ke lulalfongi yok lalos su pa: Gideon, Barak, Samson, Japhtah, David, & Samuel a met palu pac. Kut fin srike in srumun kut a koflana srumunla kewa inse.
Ke sripen lulalfongi lalos, elos meuni mutunfal sayac ac kutanguloslac; elos kaliyac inwaclin lion u; konelah firir lulap; ke lulalfongi, elos munas a eklac ku; kutangla meun; met misa lalos sifil moulyak; kutu selos kisackunang moul lalos in misa ke sripen lulalfongi lalos; sringsring, sisiyang nuin prison, a tatngal neke misac ke sripen elos lulalfongi Leum God. Kutu pa muta in luf fineol u a nukun kulun sheep ku nani, elos sukasrup & akkeokyeyuk, a faclu kupansuwollac nuselos. Ma Inge nukewa akkalemye lulalfongi lalos met in pal soh.
Pengpeng inelos a orekma lalos su srumunyuk ne misenge. Oana mac nga a kom ac esamyuk kac ke lulalfongi luk kom u?
Leum God El wulelah sie moul wolana ingo, engan ma patpat. Ac fin faclu mac kut met lulalfongi u akfasryela ke ma God El pangon kut nukac u? Ke lulalfongi, lela nga a kom in oru oana ke met somlah Inge oru u.
Lungse Leum God Lom Ke insiom kewa, ke nunkom kewa a ke kuiyom kewa.
