Kunokon
Thursday May 26, 2016
Sifac: Luhlahlfongi Isus Fahko
Mwe Read: Galatia 5:19-26
Moul in Ngun ac Moul in Lungse lun Ikwa pa srumunyuk yohk ke mwe read se inge.In mwe nunak se inge Paul el srike in akuteyac yohk nu sin church fin acn Galatia lah moul in nguhn pa sie moul na yohk ma elos enenu in sang in kol moul lalos u in tiana moul lun ikwa.Ke sripac se inge el akuteyac lah moul nukewa ma tuku ke lung lun ikwa pa kalem ke:Kosro,Luhmah Fohkfohk,Oiya Suhfal Inmasrlon Sie Mukul ac Mutan,Alu nu ke masruloala,Inutnut,Asrungai,Amei,Lemta,Kasrkusrak,Nunku kac sifana,Sraclihk ac srihkasrak Kahs,Sok,Sruhi ac Wohwohn.Kain oiya inge kewa ma tuku ke lung lun ikwa suc enenu sie mwet lulalfongi in tiana moulkihn.Mwet lulalfongi se el enenu in sang moul lun Nguhn in pa sang kol moul lal u.Mweyen ke (Galatia 5:22-23)akuteyac kalmeyacn moul lun ngun.Kut ac fin moulkihn moul in ngun ac me engan yohk nusesr ke sripen kuht kutanglah tari moul in ikwa lasr u kuh fine ma ikoasr mweli u.
Kut fin nunku misenge yohkelihk na orekmakihnyacn moul in ikwa lasr kais sie sie,sahp pa oru mwe luti se inge sifil tuku in ahkacsmakihnyekut u.Kut in etuh lah kut ac fin pangon kuh nunku muh kut mwet lulalfongi kuh mwet kulansap lun God kut enenu in kahingkihn ma lungse lun ikwac.Paye lah misenge lung lun ikwa kutanglah kain in mwet puspus na oru enenu nga kom in in sifilpana acsmaklac etuh lah wangin kuh saya kut kuh in suk sayan kuh lun Nguhn ac lungse lun Nguhn.Kut ac fin ac kutanglah ma inge kewa e fah me insewowo nusesr ke pal se tok.
