Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon

Thursday April 28 2016
Sifac: Moliyucklac ke Oaru Luhn God
Mwe Read: Jeremiah 23:33-40;24:1-6

Kaviak Abraham
Kaviak Abraham

Sifil srui ke kulang yohk lun God kut srack pula me insewowo el oru nu ke moul lasr ke pal se inge.

Ke sripen toasr lana lun God nu sin mwet lal panang el sapkihn nsel mwet palu Jermiah tuh kutena mwet suc fin siyuck sel lah MEAC PWENG SIN GOD??Na elan topukolos muh elos nukewa suc ma el toasr se el ac tufah siseloslac ac elos nukewa suc sikaleni in orekmakihn kahs se inge God el ac fah sang kaiyuck na upac nuselos wi sucu lalos nukewa.Fahk pac lah kutena mwet fin seakos ac tia fasr fal nu ke kahs lun God elos ac fah sisyucklac liki moul ma pahtpaht.

Mwe luti se inge kapasreyuck nu ke luo fohtoh in Fig suc ma nacnaclah ke ma wo ac ma koluk.Ke pal se inge God el srike in akuteyac nusel mwet palu Jermiah lah Fohtoh in Fig wowo sac el luhmuh nuselos nukewa suc ma utuklac nu Babylonia suc el ac fah oru tuh elos in pula insewowo ke sripen akos ac oaru lalos,funu nu ke Fohtoh in Fig koluk sac el Luhmuh nu kacl tokosra Zedekiah lun Judeah wi mwet tol fulat lal suc pa ke fohtoh in fig koluk sac suc el ac tuhfah sang kain in oiya upa nukewa elos in pula ac sangeng kac ke sripen orekma koluk lalos in seakos God.

Fuka nusik kom misenge?Kut nukewa akilen ma sik in pal inge u lah pal u apkuranme.Fuka sulala luk kom u???Nga kom enenu in oaru nu ke ma God el ke kut in fasr kac kut in ma wi insewowo tok ac kut in tia oru kut in oana elos nukewa suc ma Sikaleni in oru ma lungse la sifana panang God el sang oiya na upa elos in pulakihn.Kut fin akilen misenge ke srihksrihkeni lun Kof fin acn sesr u,kuh fine in pula pahollah lun acn u,kutu pa inge ma God el sang in ikus mutahsr u,mweyen efu???Sahp asr acn se luo kut fototo lac kac na oru enenu kut in sifil asmaklac ke oru lasr u lah kut ma nutin God.Kut ac fin oru oinge na God el ac insewowo sesr oyacpac e yohk finsrak lasr nu ke moul ma pahtpaht.Oinge lela tuh kut nukewa in oaru yak nu ke ma kunacsr in muh len in nununku safla tuku tuh God el nunakmunas nusesr oana ke sifac u fahk u Moliyucklac Ke Oaru Luhn God.

Share on facebook
Facebook

Leave a Reply

Your email address will not be published.

This site uses Akismet to reduce spam. Learn how your comment data is processed.