Kunokon

THURSDAY: December 08, 2016
SIFAC: “Gideon El Topuk Pang Luhn God”
MWE READ: Mwet Nununku 6:12- 18

Lipufan lun God sramsram nusel Gideon tuh elan tuhfah som ac molela mwet Israel liki in poun mwet Median suc fahk lah ke Gideon el long ma inge el sifana kisensiyuki sin God lah efu kuh ma inge sikyak oinge?  El oyapa in siyuk sin God lah pia ma wowo ma mwet lalos in pal soh tuh srumun nuselos ke molela lun God nuselos liki mutunfal Egypt a.  Ke Leum God El long ma inge El sifil kwafel Gideon tuh elan tuyak ke kuh lal kuh fine pulaik lal etuh lah Leum God lal ac fah welul. Ke sripen sensen lal kuh se pulaik lal el sifil kisensiyuk kihn nusin God lah El ac moleloslac fuka liki in poun mwet Median.  Ke Leum God El long ma inge El sifil ahkkeyacl muh elan tuhfah tuyak oru ke kuh lal mweyen El ac fah welul.  Ke Gideon el sifil long kahs lun God nusel ingan el pilasraclah sangeng lal tuyak ke inen God lal ac el lulalfongi ac etuh lah Leum God lal ac tuhfah welul.  Suc in pal sac na pa sifac se inge sikyak u “Gideon El Topuk Pang Lun God”.

Te eklac nusesr ke kunokon ma srihsrngiyucki kut in fasr kac.  Paye lah kut akilen elos nukewa suc ma oasr ke kunokon sasu ma God el srisrngiyac nuselos u kuh fine kut nukewa ke kunokon ma utuckuh nusesr in polong ke yac sasu se fasr u inge, paye ac upa tuh oana ke mwe luti se inge ahkkalwemye u kut in tia sangeng in kulansap u ma muh utuck u nusesr u kut in etuh lah kulansap nukewa ma tuku nu facsr in polong u ma tuku sin God me.  Na oru lela tuh kut in tia sangeng ac fungyang nu ke ma kunacsr etuh lah God lasr ac fah wikut ac kasrekut ke inkanek kulana lal..