Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kunokon
By Pastor Takeo Likiaksa

Sunday – May 10, 2015
Sifac: “Ngun Sefanna, Mwe Sang Puspus”
Mwe Read: 1 Corinth 12: 1-11

Pastor Takeo Likiaksa

Oasr na fos ke nunak lun mwet in Church in pacl sac ke mwe sang ke Ngun sahp ma pacna ke sasu lun Church Corinth. Mwe sang puspus ma Ngun sang nu sin kais sie ma in sang musaehk ku kasru mwet in Church ku mwet lulalfongi. Mwe sang inge tia oana sie. Ac mwe sang inge sie tia yok sripa liki ma sahye ah.

Met liki Paul el oakiya Church in an we, elos mwet pagan alu nuke ma srulala, ac tia etu ke God. Na orekmakinyen mwe sang lalos inge tia musaheack ac orala oasr fos ac srisrielik lun mwet in Church. Oracla in oasr amei, srisri ac asrungai. Kut enenu in tia orekmakin mwe sang lun Ngun ma oasr in kut in ekulla ma wo ac paye ac furok in wi nunak lasr sifacna.

Mwet nukewa ku in fahk mu el luti ke kahs lun God. Ac kut etu pac lah faclu sessesla ke mwet luti suhtuh puspus. Paul el se nu sesr sie ouiya ma kut ku in akilen lah mwe luti lalos paye. Ac lah elos luti wi fahk lah Christ el Leum.

Mwe sang lun God nu sesr ma ac kasre kut. Paye lah kut tia ku in liye ngun ke mutasr. Ac orekma wowo ma ngun ikasla nu sesr in oru, ac ku in pwentuki mwet uh in liye Christ in kut. Kut enenu ngun lun God in kasre kut, kol kut in oru ma kunasr nu sin Christ. Ngun kasre kut in acse lahlmwetmet ac etwacack tuku ke ngun sac na. Tu lalmwetmet tuku lung me ac etwacack ma mwet se eis ke el lutlut.

Oasr lupan lulalfongi lun mwet nukewa tia oana sie. Kut readi ke chapter 14 ke John mutwacwacack read ke fus 12 lah ke sripen lulalfongi lun mwet uh elos ku in akkeyala mas ke ku lun Christ orekma in elos. Kutu akmusrala sin God ke elos prey na mwet mas elos kwelac.

Paul el inge tafwela in sramsram ke mwe sang lun ngun ke ku in orek mwenmwen ac nu sin kutu in fahkak kahs lun God. Ku in lumweyuk nuke ouiya se Moses el oru kof ah ekla nuke srah Infacl Nile, kuh fahsrelik kof ke Meoa Sruhsra yen mesis. Oayapa Ma sumusla fahk kaclos su ku in fahkak ke ma ac fah sikyak ke pacl fahsru pa nuke mwet pahlu. Oasr pacna mwet ma ngun sang ku nu se in sramsram ke lohuh (speaking in tongues) ku sramsram ke kahs lun lupufan (1 Corinth 13:1). Mwe sang inge ma itukyang sin God nu selos suh el sulala.

Mwe sang lun Ngun ma God el acsot nu sum, esam ma kom in orekmakin in akinsewowoye mwet nukewa. Oasr kain in mwe sang puspus tia oana sie, tu ma in sang muhsaheack monin Christ pa Church lal. Lela kut kais sie in orekmakin mwe sang lun Ngun nu sesr uh in kasru sie sin sie ac yok nu in akkweye ac in tia kunaosla sie sin sie.

Kut enenu in akkalemye lah oasr kena lasr in eis mwe sang lun ngun, ac kut in orekmakin nuke sripac lun God ac tia nu sesr sifacna. Wo kut in orekmakin mwe sang lasr kais sie in kasru mwet, a kut in tia okanla ku pikinyac. Oana ke on soko ah fahk uh, “Oaru na in oru ma srisrik kunas”. Ku kahs ke soko pa on sahye.. Talent lom nikmet pihkin fahkwelik, kasru mwet, luti, akwo mwet, akenganye… Kom fah eis engan lom pacl se tok

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.