Kunokon

May 7, 2017
Sifac: “Lungse Kawil Lun God Finne Oasr Lainyac
Mwe Read: Jonah 1: 7-17

Sramsram kacl Jonah sie sramsram kalem ac kaliyuki sin mwet mahtu ac finne tulik pac. Tia srumuyuk mukwena a onkakinyuk pac. Funu ma fal ngan sap kut in on, lukun nga sap. Tu yok srpia la uh oru finne kalweniyukna, kasru srisrik uh pa nge:

Sramsram kacl Jonah, petsaela moul ac nunak lun Mwet Israel ku mwet Jew in pacl sac, su ku pacna nwe ke pacl se inge. Elos nunku mu ke elos mwet solla sin God, na elos ngetla liki na mwet sayen mwet Jew. Nunku mu elos mukena pa mwet lun God uh.

Jonah el etu pac KE LUNGSE KAWIL lun God ac el sifacna fahk mu “Nga etu lah kom sie God su yok lungse ac pakoten la, ac kom mongfisrasr pacl nukewa, kulang pacl nukewa, ac akola pacl nukewa in ekulla nunak lom tu kom in tia kalyei mwet uh. (Jonah 4:2)

Jonah el mahtuyak longlong ac etu sramsram ke mwet Nineveh lah elos mwet upa ac koluk. Na oru el wi srungalos ac koaselos ke sripa lal sifacna. Sruhnga lal kaclos pa oru el tia ke elos in eis kulang ac lungse lun God. Ac ku in pa oru an Nineveh pa an se sahfla Jonah el an som nu we uh.  Na oru petsa uh pa ngan. Kut finne sramsram ke mwet Jew ku kacl Jonah, pa pacna ke moul lasr kais sie.  Oasr sahngeng, nunku kac sifacna, pilesru, nunak fulat, ac tia ke mwet sahye in wi eis mwe insewowo.

Kut tia ku in wi suk in eis kulang ac lungse lun God a kut in kahengnkuhnuhl. Oana ke Jonah el akilen an. El finne srike elan kahenglac ac seakos God, Tuh oana ke kunokon se ke Monday an fahk uh, God el oasr an nukewa.

Kut fin ke in eis lungse ac ku yok lun God, kut enenu in oru finne ma sriksrik ma el ase nu sesr in oru. Oana ke 1 John 2: 3-6 fahk an.

Pa onge kasru uh, nga lulalfongi mu kowos ac fah ahkyokye.