Orekma lun sie mwet shepherd pa in liacacng ac karungunacng sheep natul. Sheep natul elos etacl ac etuh pusracl. El fin panglolos, elos ac fahsr nu yorol. Lungse paye lun sie mwet shepherd nusin sheep natul, ac panang elan kisac kunlah moul lal in suk meac wo ac meac sheep natul enenu in pacl nukewa. El tiac suk in oasr moliyen orekma lal ac el tu sisken sheep natul ke pacl ma upac ac me sensen sikyak nuselos.

Jesus Christ El pa Mwet Shepherd paye ac wowo sac. El sang akkeye nusin mwet munas, akkeyela mwet ul, ac sang kasru nusin mwet mukaimtal. Lungse paye Lal nusin mwet u (sheep natul), pwanang Elan kisackunlah moul lal in molelosla. Elos (Gentiles) suc tiac muta in kalkal lal El sokolos, konoelosyak ac sang sukosok in wi utyak nu in kalkal lal (lulalfongi). Oasr pac mwet shepherd (mwet palu sutuu) ma tuku meet liki Jesus Christ, tusruk orekma lalos elos eis moul kac. Elos inge tiac mwet shepherd paye.

In me read se inge, Jesus Christ El sifana fwak (v.11) mu El Mwet Shepherd wo, suc akola in misac ke sheep (mwet) u. Ke ma inge, elos suc lulalfongi ke Mwet Shepherd se inge ac fwasr nu yorol ac fwa eis moul ma patpat.