Kunokon

SATURDAY: September 03, 2016
SIFAC: Muhsahi Sie Un Mwet Wo ac Suwohs
MWE READ: Psalm 72:1- 7

Surleigh Y. Tara
Surleigh Y. Tara

Mwe read se inge akkutuya ke kolyuck lun sie tokosra suc orekmakin suwosna ke Kahs lun God.  Sie kunokon yohk lun tokosra se pa in nununku ac aksuwoye ma tafonglac lun mwet uh. Oana ke Tokosra Solomon el prue siyuck ke lalmwetmet.  Kolyuck lun tokosra se efin oui ye mutun God, mwet uh tufwa pulakin misla ac insewowo.  Nununku suwos enenu in akfasryeyuck pac nusin mwet sukasrup pac.  Orekmakinyen suwoswos lun God in nununku oana aunyaf se mwe aksroksrokye sak uh in muh kapack oana ke mwet uh pulakin wolana kut insewowo ke sripen orekma lun mwet wo se.

Nusesr misenge pac in nunku ke kunokun lun kais sie mwet. Ke utuckuh kunokon nusesr uh, kut enenu in liksreni loacng nuke sripen kulansap lasr uh, lac ma inge tia ma in akfasrye lungse lasr sifacna (1 Timothy 2:15). Paye lah pus pacl kut muta inmasrlon mwet uh, pacl se elos sramsram kuh mukuikui in lusrongten, a kut mwet kulansap uh mwekin ku sahngeng in kahslah tuh pwen mutun mwet. Kut enenu na in forla liki mwe lusrongten ac wangin sripac inge. Tuyak ke ma suwos pa, Kahs lun God ac in esam lah ke sripac yohk lun God pacnacng El acse kunokon inge nusin sie sin sie tuh kut in akfasrye ac in esam lac ma inge tia ma lasr. Ke kolyuck ac kohkoh lun God, akosten lasr uh e tufwa acse kuhtanglah nusin elos suc ahksol.

Leave a Reply

Your email address will not be published. Required fields are marked *