Kunokon

SATURDAY: September 23, 2017
SIFAC:”Orekma Oasr Sripac Nuh Sin Mwet Nuhkwewa”
MWE READ: Titus3:8-11

Mwe mwemwe lun mwet uh pa in wangin kain in oiyac se ma sramsramkin koluk mwet saya. Kain in oiyac se inge oraclah elya na yohk se nusin kais sie alu. Ke mwe read se inge, Paul el akesmakinyeluhl Titus elan kaingkihn akkukuin ke ma wangin sripac nuke kain lulalfongi. Suc ma e tia pac na eklac nusesr misenge. Paye lac oasr paclkut ma e pangon mu kut etu ma nukewa nuke ip lun lulalfongi lasr uh. Pa e kalem ke kain in akkukuin ke ma wangin sripac.

Oasr pa sie kain in oiyac ma sikyak ke alu lasr uh. Sie pa oasr mwet suc ma lungse oraclihk inmasrlon mwet pacnacng elos srike in oru eyense lalos nusin mwet sayac in oru mwet uh in srunga mwet kol lun alu. Ku elos e srike in sramsram in sumat in fisacuk ma mwet uh enenu in loacng nuke ah. Kain in mwet in inge lungse utuk nunak meyen arulana ku nunkalos. El ac forfor siyuck lac mwet e welul lac kut tia. Kain in mwet se inge enenu in akilenyucki ke oiyac lalos.

Ma elos ke uh fin tia sikyak, na elos ku pana in sringlac tila wi kulansap ku efin ne in some pac welah alu sayac. Oiyac lalos an efin tia lela ke alu saya, kutu pacl uh elos e srike in folok nuke alu lalos meet ah. Ma kunacn mwet kol lun alu in akilen kain in oiyac se inge in taran kain kain mwet se inge in muh tia sifiwl folok. Saap elos ku in folok efin oiyac lalos an wolac. Efin oiyac lalos an tia wolac, e wo pana in tia filfil-lac elos in folok.

Mwet kol lun church uh enenu in liksreni nawelosllac in oana ke Paul el fwak nusel Titus inge, elos in muh in akilen kain in oiyac sufal ku koluk inge ac in kaing kunulos ac alu suc ma pakpuki elos in kol. Mwet uh kewa ku alu uh efin fwasr tukin akwuck kuh kolyuck ke Bible uh inge, e tufwa supuseni elyac yohk lun church. Kahs lun God tuku suwos ac paye nusin nukewa in fasr kac na elos e tufwa pulakin moul insewowo efin ne faclu fohs. Moul lalos uh e tufwa oui ye mutun God.