Friday, December 14, 2020

Sifac: Mutan Ahkisus Uh Pihlesru Sap Lal Pharoa

Mwe Read: Exodus 1:15-22

Kut in wi lulalfongi lac wangin sie sahyac su ma sollac in tuku misa ac moulyak in tu molikutlac ac kut in wi pula insewowo ke lung kulang lacna lun God pa kalem ke Pweng Wo se inge.

Kunokon

Saturday September 10 2016
Sifac: Christ El Misac Ke Ma Koluk Lasr
Mwe Read: 1 Corinth 15:1-11

 

Surleigh Y. Tara
Surleigh Y. Tara

Mwe read se inge akkalemye yohk sripac-iyen mwet lulalfongi fin ac Corinth lac elos lulalfongi pac ke moulyak lun Leum Jesus Christ. Oasr ip tolu ke mwe read se inge suc ma Paul el srike in akkuteyac elos suc ma e readi in liskreni na kalem pac kac. 

Akkpayeye se meet an pa – elos moliyucklac ke sripen moulyak lun Leum Jesus suc pa sripen Pweng Wo. Mwet Sap Paul el tuku nu Corinth in luti ke Pweng Wo se inge ac ke sripen lulalfongi lun mwet Corinth pacnacng elos forlah liki moul mahtuh lalos. Sripac yohk se ma akfasrye forlah lalos inge uh ma ke moulyak lun Leum Jesus suc ma El kungangla mwe keok ma misac uh sruokyac. Misa lun Mwet Lango se tia pa ku in molela mwet uh, Tusruktuh ke sripen moulyal lun Mwet Lango se inge pa acse kutangla nusin mwet nukewa suc ma lulalfongi in El.

Akkpayeye se ak luo an pa – in oana Ma Simusla ke Wuleang Matu. Ma Simusla uh akkalemye lah Leum El ac misac, pukpuki, ac moulyak tukin len tolu. Ma inge akpayeyucklac mwet uh in kalem kac lac pa inge Pweng Wo se nusin mwet nukewa suc ma palyeiyuck sin mwet palu puspus ke Wuleacng Matu.

Akkpayeye se ak tolu an pa -Leum El siklac nusin Mwet Sap ac oacyacpac mwet puspus. Leum El sripsripyak fin saksin soko ac mwet nukewa in pacl sac ma tukeni elos liye misac Lal. Tukin Leum El moulyak, El oacyac pac siklac nusin mwet sap, weacng mwet puspus ac oacyac e tok nusel Paul. Sikla lun Leum nusin mwet inge ma in akkpayeye ma suc ma simlac ke pacl loeloes somlah ah. Moulyak Leum Jesus akfasryeyuck oana ke akwuk lun God Papa.

Nusesr pa in akilen ma inge in acsang moul lasr in lulalfongi ke Leum Jesus lac El moulyak in moli kutlac kewa liki moul sufal lasr. Kut in wi lulalfongi lac wangin sie sahyac su ma sollac in tuku misa ac moulyak in tu molikutlac ac kut in wi pula insewowo ke lung kulang lacna lun God pa kalem ke Pweng Wo se inge. Kut nukewa in porongo kahs wolana ke leta lal Paul inge in tahfwelah nusin mwet nukewa in suk God ac in forlah liki moul soac lalos. Suk Leum in ma nukewa tuh in kut wi eis moul.

Share on facebook
Facebook

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.