Kunokon
Saturday August 27 2016
Sifac: Pre ac Luhngse
Mwe Read:Ephesus 3:14-21
Paul el srike in akkuteyac koanon prue ac kifucs nunak lun mwet Ephisus in orekmakin prue in akkalemye kuh lun Leum suc akfasryeyuck sin Ngun Mutal. Mukuikui lun Ngun uh sikyak ke yen mutal mukena in oana ma kut kalem ke yen mutal loon temple lun God suc pa kut kalem ke temple lun God suc ma oasr in kais sie mwet. In oana mwet kol se, Paul el akkalemye nuseloa in etu lac yohk pacl el sisla prue kaclos, elos in kalem kac lungse yohk el pulakin ke akwuck ma God El akfasrye nuselos in etu kac. Arulana yohk lungse lun God pacnacng elos enenu in orekmakin prue lalos in elakin nuselos lungse se lun God inge. Ke sripen lungse se inge, elos in prue kac mwet sayac elos in ku pac in pulakin lungse se inge suc ma etauk lun mwet uh sufalacna in eis kalem lalos kac. Pa oru elos enenu in prue God El an muh ku in ikus mutun insialos in wi etu ac moulkin lungse se inge.
Tia eklac pac nusesr misenge in kalem kac lac, kut fin suk in wi moulkin lungse se inge, kut enenu yohk na in prue. God El pa lungse pacnacng, kut fin suk in oasr lungse in kais sie mwet, kut enenu in suk God meet liki ma nukewa. Ke sripen Wolana lun Leum pa oru El use nusesr ma sap sasu in lungse sie sin sie oana ke El lungse kut meet. Efin wangin lungse in kut, saap kut tiana etu na paye lac suc God Papa, God Wen, ac God Ngun. Fin oasr anikni-ilac ke lungse se inge, na kut enenu in faksufi ac prue siyuck ke kasru lun God.
